அமெரிக்க ஜனாதிபதி தேர்தல்: ட்ரம்ப் முன்னிலை! பின்னடைவை சந்திக்கும் கமலா

நடந்த அமெரிக்க ஜனாதிபதித் தேர்தலில் ஆரம்ப முடிவுகளின்படி, குடியரசுக் கட்சியைச் சேர்ந்த டொனால்ட் ட்ரம்ப் ஒன்பது மாநிலங்களை வென்றார்.

அதேநேரத்தில் ஜனநாயகக் கட்சியின் கமலா ஹாரிஸ் நான்கு மாநிலங்களைக் கைப்பற்றினார்.

கென்டக்கி, இந்தியானா, மேற்கு வர்ஜீனியா, அலபாமா, புளோரிடா, ஓக்லஹோமா, மிசோரி மற்றும் டென்னசி ஆகிய இடங்களில் வெற்றி பெற்ற பின்னர் சற்று முன் வரை ட்ரம்ப் 198 தேர்தல் வாக்குகளைப் பெற்றார்.

ஹாரிஸ் வெர்மான்ட், மேரிலாண்ட், மாசசூசெட்ஸ் மற்றும் வொஷிங்டன், டி.சி ஆகிய இடங்களில் வெற்றி பெற்ற பின்னர் சற்று முன் வரை 112 தேர்தல் வாக்குகளைப் பெற்றுள்ளார்.

2017 முதல் 2021 வரை அமெரிக்காவின் 45 ஆவது ஜனாதிபதியாக பதவி வகித்த ட்ரம்ப், 2020 தேர்தலில் ஜோ பைடனிடம் தோல்வியடைந்ததை அடுத்து மீண்டும் வெள்ளை மாளிகைக்கு திரும்ப முயன்றுள்ளார்.

அதேநேரம், ஹாரிஸ் 2021 ஜனவரி முதல் துணைத் தலைவராக பணியாற்றுகிறார். ஒரு வேட்பாளருக்கு தேர்தலில் வெற்றிபெற 538 தேர்தல் வாக்குகளில் குறைந்தது 270 தேவை.

அதாவது, அமெரிக்க ஜனாதிபதியை மக்கள் நேரடியாக தேர்ந்து எடுப்பதில்லை. எலெக்ட்ரோல் காலேஜ் (தேர்வுக்குழு உறுப்பினர்கள்) முறைப்படி வாக்குப்பதிவு நடக்கிறது. மொத்தம் உள்ள 50 மாகாணங்களில் 538 தேர்வுக்குழு உறுப்பினர்கள் உள்ளனர்.

இதில் 270 பேரின் ஆதரவை யார் பெறுகிறார்களோ அவர்களே வெற்றி பெறுவார்கள்.

தொடர்புடைய செய்திகள்:

கனடாவில் மூன்று நாட்களில் மூன்று கொலைகள் – தொடர் கொலையாளியை கைது செய்த பொலிஸார் Abortionஇற்கு மாற்றீடான வழியை கண்டறிந்த விஞ்ஞானிகள்! மது அருந்துவோருக்கு புற்றுநோய் ஏற்பட வாய்ப்பு : எச்சரிக்கும் ஆய்வாளர்கள்! இத்தாலியில் பணி விசாக்களின் எண்ணிக்கையை அதிகரிக்கும் அரசாங்கம் இஸ்ரேலுக்கு எதிராக தென்னாப்பிரிக்கா உடன் இணைந்த பொலிவியா அமெரிக்க ஜனாதிபதி தேர்தல் – வெற்றியாளரை தேர்வு செய்த நீர்யானை