இலங்கையில் கூரிய ஆயதத்தால் தாக்கப்பட்டு ஒருவர் கொலை!

களுத்துறை தெற்கு பொலிஸ் பிரிவுக்குட்பட்ட குருணைதாகொடவத்த அதிவேக நெடுஞ்சாலை பாலத்திற்கு அருகில் கூரிய ஆயுதத்தால் தாக்கி ஒருவர் கொல்லப்பட்டுள்ளார்.சம்பவத்தில் பொலொஸ்கம பகுதியைச் சேர்ந்த 65 வயதுடைய நபரே உயிரிழந்துள்ளார்.

இக்கொலை நேற்று (02) இரவு இடம்பெற்றுள்ளதாக பொலிஸார் தெரிவித்தனர்.

உயிரிழந்தவர் சம்பவ இடத்தில் இருந்த வேளையில், அருகில் இருந்த கோழி இறைச்சி விற்பனை நிலையத்தில் இருந்து ஒருவர் கோழி இறைச்சி வாங்கிக் கொண்டு சென்றதாகவும், அவரே இந்த கொலையை செய்திருக்கலாம் என சந்தேகிப்பதாகவும் உயிரிழந்தவரின் சகோதரி பொலிஸாருக்கு தகவல் தெரிவித்துள்ளார்.

அதற்கமைய, குறித்த நபரின் வீட்டிற்குச் சென்று சோதனையிட பொலிஸார் நடவடிக்கை எடுத்திருந்தனர்.

சம்பவத்துடன் தொடர்புடைய சந்தேகநபர், குறித்த நபரைக் கொல்லப் பயன்படுத்திய கூரிய ஆயுதம் மற்றும் அவர் பயணித்த துவிச்சக்கர வண்டியுடன் பொலிஸாரால் கைது செய்யப்பட்டுள்ளார்.கைது செய்யப்பட்ட சந்தேகநபர் களுத்துறை தெற்கு பொலொஸ்கம பகுதியைச் சேர்ந்த 41 வயதுடையவராவார்.

சம்பவம் தொடர்பான மேலதிக விசாரணைகளை களுத்துறை தெற்கு பொலிஸார் மேற்கொண்டு வருகின்றனர்.