இந்தியாவை வாட்டி வதைக்கும் வெப்ப அலை; 87 ஆக அதிகரித்த உயிரிழந்தோரின் எண்ணிக்கை

இந்தியாவில் வெப்ப அலை தாக்கம் காரணமாக உயிரிழந்தவர்களின் எண்ணிக்கை 87 ஆக அதிகரித்துள்ளது.

இந்தியாவின் வடமாநிலங்களான டெல்லி, ராஜஸ்தான், பீகார், உத்தரப் பிரதேசம் உள்ளிட்ட மாநிலங்கள் வெப்ப அலை தாக்கத்தால் கடுமையாக பாதிக்கப்பட்டுள்ளன.

இதேபோல் தென் மாநிலங்களிலும் குறிப்பிடத்தக்க வகையில் வெப்பத்தின் தாக்கம் நிலவுகிறது. வெப்ப அலை மற்றும் வெப்ப வாதத்தால் பாதிக்கப்பட்டு நாடு முழுவதும் நேற்று வரை 54 பேர் உயிரிழந்தனர்.

இந்நிலையில் இன்று வெப்ப வாத உயிரிழப்பு மேலும் அதிகரித்து மொத்த உயிரிழப்பு எண்ணிக்கை 87 ஆக அதிகரித்துள்ளது.

ஹரியாணா, சண்டிகர் – டெல்லி மற்றும் உத்தரப் பிரதேசத்தின் பல பகுதிகள், மத்தியப் பிரதேசம், பஞ்சாப், ராஜஸ்தானின் சில பகுதிகள், உத்தராகண்டின் குறிப்பிட்ட சில பகுதிகளில் வெப்ப அலை மற்றும் மிகக் கடுமையான வெப்ப அலை நிலவுவதாக இந்திய வானிலை ஆய்வு மையம் தெரிவித்துள்ளது.