பக்முட்டில் 1000இற்கும் மேற்பட்ட வீரர்களை இழந்த ரஷ்யா!

கடந்த சில நாட்களாக பக்முட் பகுதியில் போர்தீவிரமடைந்துள்ளது. சுமார் 1000 இற்கும மேற்பட்ட ரஷ்ய வீரர்கள் குறித்த பகுதியில் கொல்லப்பட்டுள்ளதாக உக்ரைன் அதிபர் செலன்ஸ்கி தெரிவித்துள்ளார்.

தனது இரவு நேர உரையில் கருத்து வெளியிட்டுள்ள அவர், மார்ச் மாதத்தின் முதல் ஒருவார காலப்பகுதிக்குள் பாக்முட் செக்டாரில் மட்டும் 1100இற்கும் மேற்பட்ட வீரர்களை கொல்ல முடிந்தாக குறிப்பிட்டுள்ளார். ரஷ்யாவின் மீள முடியாது இழப்பு இதுவெனவும் அவர் விவரித்துள்ளார்.

சுமார் 1500இற்கும் மேற்பட்ட வீரர்கள் சுகாதார பாதிப்புகளை எதிர்கொண்டதாக தெரிவித்த அவர், பலர் தங்களது சேவையில் இருந்து விலகியுள்ளதாகவும் கூறினார்.

இதேவேளை கடந்த 24 மணிநேர காலப்பகுதியில் டொனெஸ்க் பகுதியில் 220இற்கும் மேற்பட்ட உக்ரைன் வீரர்கள் கொல்லப்பட்டுள்ளதாக ரஷ்யா அறிவித்துள்ளமை குறிப்பிடத்தக்கது.