குருணாகலையில் 3 மாதங்களுக்கு முன் காணாமல் போன இரண்டு பெண்கள் மீட்பு

மாவத்தகம மற்றும் கலகெதர பொலிஸ் பிரிவுகளில் இருந்து ஒக்டோபர் முதலாம் திகதி முதல் காணாமல் போயிருந்த இரண்டு இளம்பெண்கள் இன்று காலை மாத்தறை உயன்வத்தையில் கண்டுபிடிக்கப்பட்டுள்ளதாக பொலிஸார் தெரிவித்தனர்.

18 மற்றும் 19 வயதுடைய இரண்டு சிறுமிகள் 2023 ஆம் ஆண்டு ஒக்டோபர் 1 ஆம் திகதி டியூஷன் வகுப்புகளுக்குச் சென்று வீடு திரும்பவில்லை என முறைப்பாடு கிடைக்கப்பெற்றதையடுத்து மாவத்தகம மற்றும் கலகெதர பொலிஸ் நிலையங்கள் விசாரணைகளை ஆரம்பித்துள்ளதாக அவர்கள் தெரிவித்தனர்.

மாத்தறை, உயன்வத்தையில் தங்கியிருந்த தங்கும் விடுதியில் இருந்து தாம் பணிபுரியும் கடையொன்றிற்குச் சென்றுகொண்டிருந்த இரு சிறுமிகளும் இன்று காலை மாத்தறை பொலிஸாரால் கைது செய்யப்பட்டுள்ளனர்.

மாவத்தகம மற்றும் கலகெதர பொலிஸ் நிலையத்தினூடாக அவர்களுக்கு அறிவிக்கப்பட்டதன் பின்னர் இரண்டு சிறுமிகளும் பெற்றோரிடம் ஒப்படைக்கப்பட உள்ளனர்.