2026 ஆம் ஆண்டுக்குரிய அரசியல் சமர் 5 ஆம் திகதி ஆரம்பம்!
பிரதான அரசியல் கட்சிகள் 2026 ஆம் அண்டுக்கான தமது முதலாவது விசேட கூட்டங்களை எதிர்வரும் 05 ஆம் திகதி நடத்துவதற்கு திட்டமிட்டுள்ளன.
நாடாளுமன்றம் 6 ஆம் திகதி கூடும் நிலையில் பிரதான எதிர்க்கட்சியான ஐக்கிய மக்கள் சக்தியின் நாடாளுமன்றக்குழு கூட்டம் 5 ஆம் திகதி கொழும்பில் நடைபெறவுள்ளது.
இதன்போது கட்சியின் அடுத்தக்கட்ட நகர்வுகள் தொடர்பில் விரிவாக ஆராயப்படவுள்ளன.
இலங்கை தமிழரசுக் கட்சியின் நாடாளுமன்ற குழு கூட்டமும் 5 அல்லது 6 ஆம் திகதி கொழும்பில் இடம்பெறவுள்ளது.
இது தொடர்பில் கட்சியின் நாடாளுமன்ற உறுப்பினர்களுக்கு தெரியப்படுத்தப்பட்டுள்ளது.
ஸ்ரீலங்கா பொதுஜன பெரமுன, ஐக்கிய தேசியக் கட்சி என்பவற்றின் நாடாளுமன்றக்குழு கூட்டங்களும் கொழும்பில் இடம்பெறவுள்ளது.
ஆளுங்கட்சியின் நாடாளுமன்றக்குழு கூட்டமும் நாடாளுமன்ற வளாகத்தில் நடைபெறவுள்ளது.
அதேவேளை, அரசாங்கத்தால் வழங்கப்பட்ட உறுதிமொழிகளை நிறைவேற்றுமாறு வலியுறுத்தி கூட்டு எதிரணியால் ஜனவரி மாதம் போராட்டம் நடத்துவதற்கும் திட்டமிடப்பட்டுள்ளது.
