அமெரிக்காவில் 60 ஆண்டு சிறை தண்டனையை எதிர்கொள்ளும் இளைஞர்

அமெரிக்காவின் கொலராடோவைச் சேர்ந்த இளைஞர் ஒருவர், தனது திருடப்பட்ட ஐபோனிற்காக பழிவாங்கும் நோக்கில் தவறான வீட்டிற்கு தீ வைத்து ஐந்து பேர் கொண்ட குடும்பத்தைக் கொன்றதற்காக 60 ஆண்டு சிறைத்தண்டனையை எதிர்கொள்கிறார்.

இப்போது 20 வயதாகும் கெவின் புய் என்ற இளைஞர், “ஃபைண்ட் மை ஐபோன்” பயன்பாட்டைப் பயன்படுத்தி, திருடப்பட்ட தொலைபேசியை கண்டுபிடித்து, ஆகஸ்ட் 2020 இல் டென்வர் சுற்றுப்புறத்தில் நள்ளிரவில் தீ வைத்ததற்காக இந்த வாரம் குற்றத்தை ஒப்புக்கொண்டார்.

அந்த நேரத்தில் 16 வயதாக இருந்த அந்த நபர், இரண்டு கைக்குழந்தைகளை உள்ளடக்கிய செனகல் குடும்பத்தை கொன்ற தீயின் பின்னணியில் குற்றவாளியாக காணப்பட்டார்.

தீயில் சிக்கிய டியோல் குடும்பம்,இருபது வயதுடைய ஒரு தம்பதி, அவர்களின் மகள், அவர்களது உறவினர் மற்றும் அவரது மகள், தீயில் கொல்லப்பட்டனர். மேலும் 3 பேர் இரண்டாவது மாடியில் இருந்து குதித்து தீயில் இருந்து தப்பிக்க முயன்றபோது எலும்பு முறிவு ஏற்பட்டது.

கைப்பற்றப்பட்ட சிசிடிவி காட்சிகளில், புய் மற்றும் அவரது இரண்டு நண்பர்கள் வீட்டிற்கு தீ வைத்தபோது முகமூடிகள் மற்றும் ஹூடிகள் அணிந்திருப்பதைக் காட்டியது.