இலங்கை 42 மில்லியன் முட்டைகளை இறக்குமதி செய்ய அனுமதி

எதிர்வரும் பண்டிகை கால தேவைகளுக்கு அமைய முட்டைகளை இறக்குமதி செய்வதற்கு அமைச்சரவை அங்கீகாரம் வழங்கப்பட்டுள்ளது.

டிசம்பர் 2023 இல், ஏப்ரல் 30, 2024 வரை தேவைப்படும் முட்டைகளை இறக்குமதி செய்யவும், உள்ளூர் சந்தையில் முட்டை விலையை பராமரிக்கவும் அமைச்சரவை ஒப்புதல் அளித்துள்ளது.

அதன்படி, தற்போது சுமார் 18 மில்லியன் முட்டைகள் இறக்குமதி செய்யப்பட்டுள்ளதுடன், பண்டிகைக் காலத்தை முன்னிட்டு சுமார் 42 மில்லியன் முட்டைகள் இறக்குமதி செய்யப்பட உள்ளதாக கணக்கிடப்பட்டுள்ளது.

இதற்கிடையில், கால்நடை உற்பத்தி மற்றும் சுகாதாரத் துறை பரிந்துரைக்கப்பட்ட தகுதியுள்ள இந்திய நிறுவனங்களிடமிருந்து தேவையான அளவு முட்டைகளை இறக்குமதி செய்ய அழைப்பு விடுக்கப்பட்டுள்ளது.

எனவே, அமைச்சரவையினால் நியமிக்கப்பட்ட நிலையான கொள்முதல் குழுவின் பரிந்துரையின் பிரகாரம் உரிய கொள்வனவுகளை வழங்குவதற்கு நிதியமைச்சர் என்ற வகையில் ஜனாதிபதியினால் முன்வைக்கப்பட்ட யோசனைக்கு அமைச்சரவை அங்கீகாரம் வழங்கியுள்ளது.