பிரான்ஸில் பல வாகனங்கள் தீக்கிரை – அதிர்ச்சியை ஏற்படுத்திய இளைஞன்

பிரான்ஸ் தலைநகர் பாரிஸ் 3 ஆம் வட்டாரத்தில் அண்மைய நாட்களில் பல்வேறு வாகனங்களை தீக்கிரையாக்கிய இளைஞன் கைது செய்யப்பட்டுள்ளார்.

முதலாம் திகதி அதிகாலை 4.30 மணி அளவில் இக்கைது சம்பவம் இடம்பெற்றுள்ளது.

3 ஆம் வட்டாரத்தின் rue Meslay வீதியில் தரித்து நிக்கவைக்கப்பட்டிருந்த வாகனங்கள் சில எரியூட்டப்பட்டதாக பொலிஸாருக்கு தகவல் கிடைத்தது.

இதனையடுத்து, சம்பவ இடத்துக்கு அதிகாரிகள் விரைந்து சென்றுள்ளனர்.

அங்கு வாகனங்களை எரியூட்டிக்கொண்டிருந்த 23 வயதுடைய இளைஞனை சம்பவ இடத்தில் வைத்தே கைது செய்தனர். அவன் 3 வாகனங்களை எரியூட்டிருந்ததாக தெரிவிக்கப்பட்டுள்ளது.

கைதான அதே நபர் முன்னதாக இது போன்று பத்துக்கும் மேற்பட்ட வாகனங்களை எரியூட்டியிருந்தமை குறிப்பிடத்தக்கது.