காணாமல் போன மாணவிகள் மீட்பு

சாதாரண தரப் பரீட்சையின் போது காணாமல் போன பாடசாலை மாணவிகள் இருவரும் உறவினர் வீட்டில் இருந்த நிலையில் மீட்கப்பட்டுள்ளனர்.

நேற்றிரவு (15) மாணவர்கள் உறவினர் வீட்டில் தங்கியிருப்பதாக இரு மாணவர்களின் குடும்பத்தினர் பொலிஸாருக்கு அறிவித்துள்ளனர்.

கினிகத்தேன பொலிஸ் பிரிவிற்குட்பட்ட அம்பகமுவ தேசிய பாடசாலையில் நிறுவப்பட்டுள்ள பரீட்சை நிலையத்திற்கு வந்த இரு மாணவிகள் கடந்த 14 ஆம் திகதி பரீட்சைக்கு தோற்றாமல் காணாமல் போயுள்ளனர்.

இதன்படி, குறித்த மாணவிகள் தொடர்பில் அவர்களது குடும்பங்களின் உறவினர்களால் கினிகத்தேனை பொலிஸாருக்கு முறைப்பாடு செய்யப்பட்டுள்ளது.

தொடர்ந்து நடத்தப்பட்ட விசாரணையில், வேலை கிடைக்கும் என்ற நம்பிக்கையில் இரண்டு மாணவர்களும் கொழும்புக்கு வந்திருப்பதும், கடுவெல பகுதியில் உள்ள உறவினர் வீட்டுக்குச் சென்று பெற்றோரிடம் இது குறித்து தெரிவித்திருப்பதும் தெரியவந்தது.