ஹார்முஸ் ஜலசந்தி வழியாக பயணிக்க ஈராக்கிற்கு அனுமதி – எண்ணெய் ஏற்றுமதி மீள ஆரம்பம்!
ஹார்முஸ் ஜலசந்தி வழியூடான எண்ணெய் போக்குவரத்திற்கு ஈராக்கிற்கு அனுமதி வழங்கப்பட்டுள்ள நிலையில் அந்நாட்டின் முக்கிய எண்ணெய் நிறுவனமான சோமோ (SOMO), வாடிக்கையாளர்களிடம் கச்சா எண்ணெய் ஏற்றுமதி அட்டவணைகளைச் சமர்ப்பிக்குமாறு கேட்டுக்கொண்டுள்ளது.
இது தொடர்பில் அந்நிறுவனம் வெளியிட்டுள்ள அறிக்கையில், “பஸ்ரா எண்ணெய் முனையம் (BOT) மற்றும் அதனுடன் தொடர்புடைய வசதிகள் உட்பட அனைத்து ஏற்றுமதி முனையங்களும் முழுமையாகச் செயல்பட்டு வருகின்றன.
எந்தவொரு வரம்புமின்றி அனைத்து ஒப்பந்த ஏற்றுமதித் திட்டங்களையும் செயல்படுத்த சோமோ முழுத் தயார் நிலையில் உள்ளது என்பதையும் இதன்மூலம் நாங்கள் மீண்டும் உறுதிப்படுத்துகிறோம்,” என்று தெரிவித்துள்ளது.
