அன்னையர் தினத்தை முன்னிட்டு ஊழியருக்கு சிறப்பு வாய்ப்பினை வழங்கிய இண்டிகோ நிறுவனம் : வைரலாகும் காணொலி!

அன்னையர் தினத்தை முன்னிட்டு இண்டிகோ நிறுவனம் தங்கள் நிறுவனத்தின் ஊழியர்களுக்கு சிறப்பு வாய்ப்பினை வழங்கியுள்ளது.

அதாவது தங்கள் நிறுவனத்தில் பணிப்புரியும் தாய் மற்றும் மகள் இருவரும் ஒரு விமானத்தில் பணியாற்றுவதற்கான வாய்ப்பை வழங்கியுள்ளது. இது சம்பந்தமான காணொலி தற்போது இணையத்தில் வைரலாகி வருகிறது.

குறித்த காணொலியில்,  நபிரா சஷ்மி என்ற பெண் சிப்பந்தி முதலில் தன்னை  அறிமுகப்படுத்திக் கொள்கிறார். பின்னர் தம் தாயாரை அறிமுகப்படுத்துகிறார். ஒரே விமானத்தில் தன் சக பணியாளராக விமானப் பணிப்பெண்ணுக்கான சீருடையில் தம் தாயாரைத் தான் காண்பது இதுவே முதன்முறை என்று அவர் கூறுகிறார்.

அந்த அறிவிப்பைக் கேட்டு நெகிழ்ச்சியில் கண்கலங்கிய நபிராவின் தாயார் பின் அவரது கன்னங்களில் முத்தமிட்டார். இந்த அழகான காட்சியைக் கண்ட பயணிகள் மகிழ்ச்சிக் குரல் எழுப்பி, கைதட்டி, அவர்களை உற்சாகப்படுத்தினர். குறித்த காணொலி தற்போது சோசியில் மீடியாவில் வேகமாக பரவி வருகின்றது.

Happy Mother's Day to the one who's always had my back, on the ground and in the air. #HappyMothersDay #goIndiGo #IndiaByIndiGo pic.twitter.com/gHLZBZRmra

— IndiGo (@IndiGo6E) May 14, 2023