துருக்கியில் இடம்பெற்ற பேருந்து விபத்தில் 27 இலங்கையர்கள் காயமடைந்துள்ளனர். இஸ்தான்புல் விமான நிலையத்தில் வேலைத்திட்டம் ஒன்றில் பணிபுரியும் 39 இலங்கையர்களை ஏற்றிச் சென்ற பேருந்து கவிழ்ந்ததில் இந்த சம்பவம் இடம்பெற்றுள்ளது. ஓட்டுநரின் கட்டுப்பாட்டை இழந்த பேருந்து, சாலையை விட்டு விலகி 6 மீட்டர் பாறையில் கவிழ்ந்தது. காயமடைந்த பயணிகள் உடனடியாக மருத்துவ சிகிச்சைக்காக மருத்துவமனைக்கு கொண்டு செல்லப்பட்டனர். இதேவேளை, பாதிக்கப்பட்ட குழுவினருக்கு உதவுவதற்காக தூதரக பிரதிநிதி ஒருவரை அனுப்பவுள்ளதாக துருக்கியிலுள்ள இலங்கை இராஜதந்திர தூதரகம் அறிவித்துள்ளது.

கிண்ணியா பொலிஸ் பிரிவு உட்பட்ட பெரியாற்றுமுனை பள்ளிவாயலில் பொருத்தப்பட்டிருந்த கதவு (Gate) சிறுவன் மீது விழுந்ததில் சிறுவன் திருகோணமலை பொது வைத்தியசாலை அதி தீவிர சிகிச்சை பிரிவில் அனுமதிக்கப்பட்டுள்ளார். பெரியாற்றுமுனை பள்ளிவாயலில் பொருத்தப்பட்டிருந்த கேட் மேல் ஏறி சிறுவர்கள் விளையாடிக் கொண்டிருந்தபோது கேட் சிறுவன் மேல் விழுந்து காயம் அடைந்த நிலையில் கிண்ணியா வைத்தியசாலையில் அனுமதிக்கப்பட்டதையடுத்து மேலதிக சிகிச்சைக்காக திருகோணமலை பொது வைத்தியசாலைக்கு அனுப்பி வைக்கப்பட்டுள்ளார். இவ்வாறு படுகாயம் அடைந்த சிறுவனுக்கு  11வயது எனவும் தெரியவருகின்றது. குறித்த […]