சவுதி அரேபியாவை உலுக்கும் வெப்பம் – ஹஜ் யாத்ரீகர்களின் உயிரிழப்பு 1000ஆக அதிகரிப்பு

சவுதி அரேபியாவில் அதிக வெப்பம் காரணமாக உயிரிழந்த ஹஜ் யாத்ரீகர்களின் எண்ணிக்கை 1000ஐ தாண்டியுள்ளதாக தெரியவந்துள்ளது.

அண்மைய நாட்களில் மக்கா மற்றும் அதன் சுற்றுவட்டாரப் பகுதிகளில் வெப்பநிலை 51.8 டிகிரி செல்சியஸ் ஆக உயர்ந்துள்ளதாகத் தெரிவிக்கப்படுகிறது.

இந்த ஆண்டு, ஹஜ் யாத்திரையின் போது சுமார் 10 நாடுகளில் இருந்து 1,081 இறப்புகள் பதிவாகியுள்ளன, மேலும் சவுதி அரேபியா இதுவரை அதிகாரப்பூர்வமாக இறந்தவர்களின் எண்ணிக்கையை வெளியிடவில்லை.

இதுவரை 650க்கும் மேற்பட்ட எகிப்தியர்கள் உயிரிழந்துள்ளதாக அரேபிய இராஜதந்திரி ஒருவர் வெளிநாட்டு ஊடகங்களுக்கு தெரிவித்துள்ளார்.

பாகிஸ்தானில் இருந்து வந்த 150,000 யாத்ரீகர்களில், 58 இறப்புகள் பதிவாகியுள்ளன, மேலும் 240,000 யாத்ரீகர்கள் வந்த இந்தோனேசியாவிலிருந்து 183 இறப்புகள் பதிவாகியுள்ளன.

ஒவ்வொரு ஆண்டும், பல்லாயிரக்கணக்கான யாத்ரீகர்கள் உத்தியோகபூர்வ அனுமதிகளைப் பெற முடியாத காரணத்தால் பல்வேறு வழிகளில் ஹஜ் யாத்திரைக்கு வருகிறார்கள்.