ஈஸ்டர் தாக்குதல் – இலங்கையில் கைது செய்யப்படவுள்ள 2 பிரபலங்கள்

ஈஸ்டர் தாக்குதல் தொடர்பான புதிதாக ஆரம்பிக்கப்பட்டுள்ள விசாரணைகளுக்கமைய, முன்னாள் பாதுகாப்புத் தலைவர் மற்றும் அரசியல் கட்சித் தலைவர் ஒருவரும் விரைவில் கைது செய்யப்படவுள்ளதாக உயர்மட்ட பாதுகாப்பு வட்டாரங்கள் தெரிவிக்கின்றன.

இந்நிலையில், கடந்த காலங்களில் சனல் 4 தொலைக்காட்சியில் அம்பலப்படுத்திய ஹன்சீர் ஆசாத் மௌலானாவிடம் அது தொடர்பாக ஜூம் தொழில்நுட்பத்தின் மூலம் மீண்டும் சாட்சியங்கள் பெற்றுக் கொள்ளப்படவுள்ளது.

அதற்கமைய, இதற்கு சம்பந்தப்பட்டவர்கள் என சந்தேகிக்கப்படுபவர்கள் நீதிமன்ற உத்தரவின் பேரில் கைது செய்யப்படுவார்கள் என தகவல் வெளியாகியுள்ளது.

சனல் 4 காணொளி தொடர்பாக, கடந்த அரசாங்கம் முன்னாள் நீதிபதி இமாம் தலைமையில் ஆணைக்குழுவொன்றை நியமித்து விசேட அறிக்கையொன்றையும் வழங்கியுள்ளது.

ஆனால் விசாரணைக் குழுவின் முன் சாட்சியமளிக்குமாறு ஆசாத் மௌலானா கோரப்பட்டிருந்ததுடன், தற்போது வெளிநாட்டில் உள்ள அவர் விசாரணையில் பங்கேற்கவில்லை என்பது குறிப்பிடத்தக்கது.