ஜெர்மனியில் வெளிநாட்டவர்களுக்கு நெருக்கடி – குடியேற்ற சட்டத்தை கடுமையாக்க கோரிக்கை

கனடா போன்று ஜெர்மனியிலும் கட்டுக்கடங்காத வகையில் அகதிகள் உள்நுழைந்துள்ளமையால் அரசாங்கம் பாரிய நெருக்கடிக்கு முகங்கொடுத்துள்ளது.

இதனால் ஜெர்மனியில் நடைமுறையிலுள்ள குடியேற்ற சட்டத்தை மாற்றியமைக்குமாறு பல்வேறு தரப்பினராலும் கோரிக்கை முன்வைக்கப்பட்டுள்ளது.

சமகாலத்தில் பொருளாதார நெருக்கடியை ஏற்படுத்தியிருந்தாலும், மறுபுறம் நாட்டுக்கு வரும் வெளிநாட்டு அகதிகளின் வன்முறை சம்பவங்களால் பெரும் பாதிப்பு ஏற்பட்டுள்ளது. இதன் காரணமாக ஜெர்மனிய மக்கள் கடும் அச்சம் அடைந்துள்ளதுடன், வெளிநாட்டு அகதிகளை வெறுக்கத் தொடங்கியுள்ளனர்.

இந்நிலையில் வெளிநாட்டு அகதிகளை நாட்டுக்குள் வருவதை கட்டுப்படுத்தும் வகையில் குடியேற்ற சட்டங்களை கடுமையாக்குமாறு அரசாங்கத்திடம் கோரிக்கை முன்வைக்கப்பட்டுள்ளது.

ஜெர்மனியில் தற்போது நடைமுறையிலுள்ள 16ஏ சட்டத்திற்கு அமைய எந்தவொரு வெளிநாட்டவரும் ஆபத்து என அடைக்கலம் கோரினால் புகலிடம் வழங்க வேண்டும் என்பது கட்டாயமாகும்.

அரசாங்கத்தின் குடியேற்ற கொள்கையை சாதகமாக பயன்படுத்தும் பல வெளிநாட்டவர்கள் நாட்டுக்குள் புகுந்து புகலிடம் கோருகின்றனர்.