இஸ்ரேலில் வேலை வாய்ப்பு பெற்றுத்தருவதாக கூறி மோடி : சந்தேகநபருக்கு விளக்கமறியல்!

இஸ்ரேலில் விவசாயத் துறையில் வேலை வாங்கித் தருவதாகக் கூறி தொழிலாளர் மற்றும் வெளிநாட்டு வேலைவாய்ப்பு அமைச்சகத்தை மோசடி செய்த நபர் ஒருவர் கைது செய்யப்பட்டுள்ளார்.

விசேட புலனாய்வுப் பிரிவின் அதிகாரிகளினால் குறித்த நபர் கைது செய்யப்பட்டதாக இலங்கை வெளிநாட்டு வேலைவாய்ப்புப் பணியகம் அறிவித்துள்ளது.

குறித்த நபர் கொழும்பு 07, விஜேராம மாவத்தையை வசிப்பிடமாகக் கொண்டவர் என்பதுடன் அவர் வைத்தியராகவும் பணியாற்றியுள்ளதாக தெரிவிக்கப்படுகிறது.

சந்தேக நபர் நாரஹேன்பிட்டியில் உள்ள வெளிநாட்டு வேலைவாய்ப்பு அமைச்சு மற்றும் வெளிநாட்டு வேலைவாய்ப்பு பணியகத்திற்கு பணத்தை பெற்றுக் கொள்வதற்காக மக்களை அழைத்துள்ளார்.

சந்தேகநபர் 9 பேரிடம் இருந்து 7 லட்சத்து 65 ஆயிரம் ரூபா பணத்தை மோசடி செய்துள்ளதாகவும், அவருக்கு பணம் வழங்கிய நபர் ஒருவர் செய்த முறைப்பாட்டின் அடிப்படையில் தொழில் மற்றும் வெளிநாட்டு வேலைவாய்ப்பு அமைச்சில் கைது செய்யப்பட்டதாகவும் விசாரணையில் தெரியவந்துள்ளது.

சந்தேக நபரை கொழும்பு இல 5 நீதவான் நீதிமன்றில் ஆஜர்படுத்திய பின்னர், அவரை ஏப்ரல் 03 ஆம் திகதி வரை விளக்கமறியலில் வைக்குமாறு நீதவான் உத்தரவிட்டார்.

இந்த மோசடிக்கு உதவிய அவரது மனைவி, விசாரணை அதிகாரிகளை தவிர்த்து தலைமறைவாகி இருப்பதுடன், அவரை கைது செய்வதற்கான மேலதிக விசாரணைகள் மேற்கொள்ளப்பட்டு வருகின்றன.

இரு நாடுகளுக்கிடையிலான புரிந்துணர்வு ஒப்பந்தத்தின் பிரகாரம் இஸ்ரேலில் விவசாயத் துறையில் வேலை வாய்ப்புக்களை பெற்றுக்கொள்ள இலங்கையர்களுக்கு உரிமை உண்டு என தொழிலாளர் மற்றும் வெளிநாட்டு வேலைவாய்ப்பு அமைச்சர் திரு.மனுஷ நாணயக்கார வேண்டுகோள் விடுத்துள்ளார்.

இவ்வாறு பணம் பெறுபவர்கள் பற்றிய தகவல்கள் தெரிந்தால், அதுகுறித்து பணியகத்தின் சிறப்பு புலனாய்வுப் பிரிவினருக்கு தகவல் தெரிவிக்கப்படும் என்றும் அமைச்சர் மேலும் குறிப்பிடுகிறார்.

தொடர்புடைய செய்திகள்:

செங்கடல் நெருக்கடியால் இலங்கையில் கோதுமை மாவின் விலை உயரும் சாத்தியம் ஐந்து வருடங்களுக்கு பின் கட்சி தலைமையகத்திற்கு வந்த சந்திரிக்கா வித்தியா கொலை வழக்கு – தலைமை நீதிபதி எஸ். துரைராஜா விலகல் சிங்கப்பூரில் இருந்து இலங்கைக்கு கடத்தப்பட்ட உயிருள்ள மீன்கள்! இலங்கை : புலமைப்பரிசில் பரீட்சை தொடர்பில் எழுந்துள்ள சர்ச்சை: கல்வி அமைச்சு வெளியிட்டுள்ள அறிக்கை