டெல்லியில் இரண்டு வைத்தியசாலைகளுக்கு வெடிகுண்டு அச்சுறுத்தல்
டெல்லியில் உள்ள இரண்டு மருத்துவமனைகளுக்கு இன்று (12) பிற்பகல் மின்னஞ்சல் மூலம் வந்த வெடிகுண்டு மிரட்டல் காரணமாக அதிகாரிகள் இரு இடங்களிலும் பல வெடிகுண்டு செயலிழப்பு குழுக்களை குவித்துள்ளதாக இந்திய ஊடகங்கள் தெரிவிக்கின்றன.
இன்று பிற்பகல் 3.15 மணியளவில், டெல்லியில் உள்ள புராரி மருத்துவமனை முதலில் மின்னஞ்சல் குறித்து புகார் அளித்தது, மாலை 4.26 மணியளவில், டெல்லியில் உள்ள சஞ்சய் காந்தி நினைவு மருத்துவமனை கேள்விக்குரிய மின்னஞ்சல் குறித்து புகார் அளித்தது.
சம்பந்தப்பட்ட முறைப்பாடுகள் தொடர்பில் நடவடிக்கை எடுத்த அதிகாரிகளால் இதுவரை சந்தேகத்திற்கிடமான பொருட்கள் அல்லது உபகரணங்களை கண்டுபிடிக்க முடியவில்லை என பிரதி பொலிஸ் மா அதிபர் (வடக்கு) மனோஜ் மீனா ஊடகங்களுக்கு தெரிவித்துள்ளார்.
கடந்த சில நாட்களுக்கு முன்னர் இதேபோன்ற சம்பவம் டெல்லி மற்றும் அகமதாபாத்தில் இடம்பெற்றிருந்ததுடன், வெடிகுண்டு அச்சுறுத்தல் காரணமாக 130 க்கும் மேற்பட்ட பாடசாலைகள் மூடப்பட்டமை குறிப்பிடத்தக்கது
(Visited 5 times, 1 visits today)
