மாட்டிறைச்சி விவகாரம் : காராஷ்டிர எதிர்க்கட்சித் தலைவரின் கேள்விக்கு கங்கனா ரணாவத் பதிலடி
![](https://iftamil.com/wp-content/uploads/2024/04/dinamani_2024-04_aadbcba3-6a7f-4d5b-b7b7-f9daa55a2a2a_20240329198L-1200x700.avif)
நான் மாட்டிறைச்சி சாப்பிடாத பெருமைமிக்க ஹிந்து என்று மகாராஷ்டிர காங்கிரஸ் தலைவரின் குற்றச்சாட்டுக்கு பாஜக வேட்பாளரும் நடிகையுமான கங்கனா ரணாவத் பதிலளித்துள்ளார்.
ஹிமாசல பிரதேசம் மாநிலம் மண்டி மக்களவைத் தொகுதியில் பாரதிய ஜனதா கட்சியின் வேட்பாளராக பாலிவுட் நடிகை கங்கனா களமிறங்கியுள்ளார்.
இந்த நிலையில், தேர்தல் பிரசாரத்தின் போது மகாராஷ்டிர எதிர்க்கட்சித் தலைவரும், காங்கிரஸ் மூத்த தலைவருமான விஜய் வடேட்டிவார் பேசுகையில், மாட்டிறைச்சி பிடிக்கும் என்று கங்கனா ஒருமுறை கூறியுள்ளதாக தெரிவித்தார்.
இதற்கு பதிலளித்து எக்ஸ் தளத்தில் பதிவிட்டுள்ள கங்கனா,
“நான் மாட்டிறைச்சி அல்லது எவ்விதமான சிவப்பு இறைச்சியையும் சாப்பிடுவதில்லை. என்னைப் பற்றி முற்றிலும் ஆதராமற்ற குற்றச்சாட்டை பரப்புவது வெட்கக்கேடானது. பல ஆண்டுகளாக யோக மற்றும் ஆயுர்வேத வாழ்க்கை முறையை ஆதரித்து வாழ்ந்து வருகிறேன்.
எனது நற்பெயரை கெடுக்கும் இதுபோன்ற வதந்திகள் எடுபடாது. மக்களுக்கு தெரியும் நான் பெருமைமிக்க ஹிந்து என்று. அவர்களை தவறாக வழிநடத்த முடியாது. ஜெய் ஸ்ரீராம்.” எனப் பதிவிட்டுள்ளார்.