ஆஷஸ் தொடர் – 15 ஆண்டுகளுக்குப் பிறகு ஆஸ்திரேலியாவில் வெற்றி பெற்ற இங்கிலாந்து

ஆஸ்திரேலியா மற்றும் இங்கிலாந்து அணிகள் மோதும் பிரபல ஆஷஸ்(Ashes) தொடர் ஆஸ்திரேலியாவில் நடைபெற்று வருகிறது.

அந்தவகையில், மெல்போர்ன்(Melbourne) மைதானத்தில் நான்காவது டெஸ்ட் போட்டி நடைபெற்றது.

கிறிஸ்துமஸ் பண்டிகைக்கு மறுநாள் நடக்கும் இப்போட்டி பாக்சிங் டே(Boxing Day) டெஸ்ட் என்று அழைக்கப்படுகிறது.

இந்த போட்டியில் நாணய சுழற்சியை வென்ற இங்கிலாந்து அணி முதலில் பந்து வீச தீர்மானம் செய்தது.

முதலில் களமிறங்கிய ஆஸ்திரேலிய அணி 45.2 ஓவர்களுக்கு சகல விக்கெட்களையும் இழந்து 152 ஓட்டங்களை பெற்றது.

இதனை தொடர்ந்து தனது முதல் இன்னிங்ஸை ஆரம்பித்த இங்கிலாந்து அணி 29.5 ஓவர்களுக்கு சகல விக்கெட்களையும் இழந்து 110 ஓட்டங்களை பெற்றது.

50 ஓட்டங்கள் முன்னிலையுடன் இரண்டாவது இன்னிங்ஸை ஆரம்பித்த ஆஸ்திரேலிய அணி 34.3 ஓவர்களுக்கு சகல விக்கெட்களையும் இழந்து 132 ஓட்டங்கள் குவித்து 175 இலக்கை நிர்ணயித்தது.

இந்நிலையில், 175 ஓட்ட இலக்கை நோக்கி களமிறங்கிய இங்கிலாந்து அணி 32.2 ஓவர்களுக்கு 6 விக்கெட்களை இழந்து 178 ஓட்டங்களை பெற்றது.

இந்த வெற்றியின் மூலம் இங்கிலாந்து அணி ஆஸ்திரேலியாவில் 15 ஆண்டுகளுக்கு பிறகு முதல் வெற்றியை பதிவு செய்துள்ளது.