ஒரே நாளில் 15 கின்னஸ் உலக சாதனைகளை படைத்த “சீரியல் ரெக்கார்ட் பிரேக்கர்” என அழைக்கப்படும் அமெரிக்கர் !

அமெரிக்காவின் இடாஹோ மாகாணத்தைச் சேர்ந்தவர் டேவிட் ரஷ். ‘சீரியல் ரெக்கார்டு பிரேக்கர்’ என அழைக்கப்படும் இவர், கின்னஸில் இதுவரை 250 உலக சாதனைகளை முறியடித்துள்ளார். இந்த நிலையில், அவர் ஒரேநாளில் 15 சாதனைகளை நிகழ்த்தி கின்னஸ் ரெக்கார்டில் இடம்பிடித்துள்ளார்.

இதுகுறித்து கின்னஸ் ரெக்கார்டு பக்கத்தில் பதிவேற்றப்பட்ட வீடியோவில், அவர் முதலில் ஜக்கிலிங் வித்தை எனப்படும் 3 ஆப்பிள் பழங்களை ஒன்றன்பின் ஒன்றாக உயரே தூக்கிபோட்டு ஒரு நிமிடத்துக்குள் அதிக முறை கடித்துள்ளார். 198 முறை ஆப்பிள்களை கடித்து துப்பிய அவர், அடுத்து டேபிள் டென்னிஸ் பந்துகளை 2 பாட்டில் மூடிகளில் 10 முறை மாற்று கைகளை பயன்படுத்தி வேகமாக துள்ளச் செய்கிறார். மிகவும் நூதனமான இந்தச் சாதனையை வெறும் 2.09 நிமிடங்களில் செய்து முடித்து அசத்தியுள்ளார்

அதேபோல் 30 வினாடிகளில் கையின் பக்கங்களை பேஸ்பாலால் மாறிமாறி அடித்த சாதனையையும் அவர் முறியடித்தார். அவர் 125 முறை பந்தினை இவ்வாறு அடித்து அசத்தினார். இதேபோன்று வாயிலிருந்து சுவரில் பந்தை அடித்து பிடித்தல், அமர்ந்தபடி பலூன்களை உடைத்தல், 30 வினாடிகளில் அதிக டி-ஷர்ட்கள் அணிதல், 10 டாய்லெட் பேப்பர் ரோல்களை ஒரே கையால் வேகமாக அடுக்கி வைத்தல், அதிக அளவு தண்ணீரை 30 வினாடிகளில் கைகளால் தள்ளிவிடுதல், ஒரு லிட்டர் எலுமிச்சை சாற்றை ஸ்ட்ரா மூலம் மிக வேகமாக குடித்தல் உள்ளிட்ட 15 வகைகளில் குறைந்த நிமிடத்தில் கின்னஸ் சாதனையை ஒரே நாளில் இந்த சாதனையை படைத்துள்ளார்.

தொடர்புடைய செய்திகள்:

23 ஆண்டுகளுக்கு முன் காணாமல் போன பல்லவர் கால சிலை அமெரிக்காவில் கண்டுபிடிப்பு! கனடாவில் மாணவர்களின் ஓவியங்களைச் சொந்த இணையத்தளத்தில் விற்ற ஆசிரியருக்கு நேர்ந்த கதி அமெரிக்காவில் சுழற்றும் சூறாவளிக்கு மத்தியில் மோதிரம் மாற்றி நிச்சயம் செய்த இளம் ஜோடி அமெரிக்காவை உலுக்கிய துப்பாக்கிச் சூடு – ட்ரம்ப் வெளியிட்ட முக்கிய தகவல்