இத்தாலியில் பயணிகளுக்கு காத்திருந்த அதிர்ச்சி – மாயமான ரயில்
இத்தாலியில் சரியான நேரத்தில் சென்றடைய வேண்டும் என்பதால் அதிவேக ரயில் ஒன்று சுமார் ஒரு மணி நேரம் முன்கூட்டியே புறப்பட்டுள்ளதால் பயணிகள் குழப்பமடைந்துள்ளனர்.
அதனால் ரோம் நகரின் டெர்மினி ரயில் நிலையத்தில் பயணிகள் பலரும் தவிக்கவிடப்பட்டனர்.
Trenitalia நிறுவனத்தின் Silver Arrow அதிவேக ரயில் ரோமிலிருந்து ஜெனோவா நகருக்கு மாலை 4.20 மணிக்குப் புறப்படவிருந்தது. ரயிலைத் தேடிய பயணிகளுக்கு அதிர்ச்சியடைந்துள்ளனர்.
அது மதியம் 3.30 மணிக்கெல்லாம் புறப்பட்டுள்ளது. வழக்கமான ரயில் பாதையில் மேம்பாட்டுப் பணிகள் நடந்ததால் ரயில் வேறொரு மெதுவான பாதையில் செல்ல வேண்டியிருந்தது.
சரியான நேரத்தில் சென்றடைய ரயில் 50 நிமிடங்கள் முன்கூட்டியே புறப்பட்டதாக ரயில் நிர்வாகி கூறினார். நேர மாற்றம் குறித்து சில பயணிகள் மட்டும் தகவல் பெறவில்லை என்று Trenitalia ரயில் நிறுவனம் குறிப்பிட்டது.
ஆனால் ரயில் பாதி காலியாகச் சென்றதாக உள்ளூர் செய்தித்தாள் தெரிவித்தது. ரயிலைத் தவறவிட்ட பயணிகள் அடுத்த ரயிலில் சென்றனர் அல்லது பணத்தைத் திருப்பிப் பெற்றுக்கொண்டனர்.
(Visited 2 times, 1 visits today)
