சிறுமியை பாலியல் பலாத்காரம் செய்த நபருக்கு 50 ஆண்டுகள் சிறை தண்டனை

பத்து வயது சிறுமியை பல சந்தர்ப்பங்களில் துஷ்பிரயோகம் செய்த நபருக்கு 50 வருட கடூழிய சிறைத்தண்டனை விதித்து கண்டி மேல் நீதிமன்ற நீதிபதி தர்ஷிகா விமலசிறி தீர்ப்பளித்துள்ளார்.

மூன்று தடவைகளில் உறவினரின் மகளை கடுமையாக பலாத்காரம் செய்த வழக்கு தொடர்பாக கண்டி மேல் நீதிமன்றத்தில் மூன்று தனித்தனியான உயர் குற்றச்சாட்டுகளைப் பெற்ற சம்பந்தப்பட்ட குற்றம் சாட்டப்பட்டவர் மூன்று குற்றச்சாட்டுகளிலும் குற்றவாளி என நீதிபதி தீர்ப்பளித்தார்.

இதன்படி, முதலாவது குற்றச்சாட்டிற்கு இருபது வருடங்களும், இரண்டாவது குற்றச்சாட்டிற்கு இருபது வருடங்களும், மூன்றாவது குற்றச்சாட்டிற்கு 10 வருடங்களும் சிறைத்தண்டனை விதித்த மேல் நீதிமன்ற நீதிபதி தர்ஷிகா விமலசிறி, ஐம்பது வருட சிறைத்தண்டனையை இருபது வருடங்களில் ஒரே நேரத்தில் அனுபவிக்க வேண்டும் எனவும் உத்தரவிட்டுள்ளார்.

மேலும், பாதிக்கப்பட்ட புகார்தாரருக்கு பத்து லட்சம் ரூபாய் நஷ்டஈடு வழங்கவும், நஷ்டஈட்டை செலுத்த தவறினால் மேலும் இரண்டு ஆண்டுகள் சிறை தண்டனையும் விதித்து உயர்நீதிமன்ற நீதிபதி உத்தரவிட்டார்.

அத்துடன், பிரதிவாதிக்கு எதிராக சுமத்தப்பட்டுள்ள மூன்று குற்றச்சாட்டுகளுக்கும் தனித்தனியாக பதினைந்தாயிரம் ரூபா அபராதம் விதித்தும், தண்டப்பணத்தை செலுத்த தவறினால் பிரதிவாதிக்கு மேலும் ஆறு மாத கடூழிய சிறைத்தண்டனையும் விதித்து தீர்ப்பளித்தார்.

சட்டமா அதிபர் சமர்ப்பித்த குற்றப்பத்திரிகையில், இந்த பிரதிவாதி பத்து வயது சிறுமியை இரண்டு தடவைகள் பலாத்காரம் செய்துள்ளதாகவும் மூன்றாவது சந்தர்ப்பத்தில் குறித்த சிறுமிக்கு கடுமையான இயற்கைக்கு மாறான பாலியல் துஷ்பிரயோகம் செய்துள்ளதாகவும் குறிப்பிடப்பட்டுள்ளது.