திருகோணமலையில் நீர் தொட்டியில் விழுந்து சிறுவனொருவன் பலி!

திருகோணமலை-எத்தாபெதந்திவெவ பகுதியில் நீர் தொட்டியில் விழுந்து சிறுவனொருவன் உயிரிழந்துள்ளார்.

இச்சம்பவம் நேற்றிரவு (28) இடம்பெற்றுள்ளது.இவ்வாறு உயிரிழந்த சிறுவன் அதே பகுதியைச் சேர்ந்த சனுக பாசன (14) எனவும் தெரிய வருகின்றது.

சம்பவம் குறித்து தெரிய வருவதாவது தாய் உயிரிழந்துள்ளதாகவும் தந்தை பிள்ளைகளை விட்டுச்சென்று வேறு இடத்தில் வசித்து வருவதாகவும் குறித்த சிறுவன் தனது மாமாவின் வீட்டில் வாழ்ந்து வந்த நிலையில் வேளாண்மை செய்வதற்காக நீர் தொட்டியில் நெல் போடப்பட்டிருந்ததாகவும் அதற்குள் இறங்கி விளையாடிக்கொண்டிருந்த போது விழுந்துள்ளதாகவும் தெரிய வருகின்றது.

குறித்த சிறுவனுக்கு ஏற்கனவே வலிப்பு நோய் இருப்பதாகவும், தொட்டியில் விளையாடிக் கொண்டிருந்த போது வலிப்பு நோய் ஏற்பட்டிருக்கலாம் எனவும் உறவினர்கள் தெரிவிக்கின்றனர்.

இருந்த போதிலும் உயிரிழந்தவரின் சடலம் பிரேத பரிசோதனைக்காக திருகோணமலை பொது வைத்தியசாலைக்கு கொண்டு செல்லப்பட்டுள்ளதுடன் மரணம் தொடர்பிலான விசாரணைகளை மொரவெவ பொலிஸார் மேற்கொண்டு வருகின்றனர்.

தொடர்புடைய செய்திகள்:

இலங்கை மக்களுக்கு பொலிஸார் முக்கிய எச்சரிக்கை புனித நோன்புப் பெருநாள் இன்று! இலங்கையில் விசேட பாதுகாப்பு இலங்கையில் வாகன இறக்குமதி நடவடிக்கை வெகு விரைவில் சாத்தியமாகும் – இராஜாங்க அமைச்சர் நம்பிக்கை! இலங்கையில் வரலாறு காணாத அளவு அதிகரித்த வெப்பநிலை – பேராசிரியர் வெளியிட்ட அறிவிப்பு சூடுப்பிடிக்கும் தென்னிலங்கை அரசியல்: ஸ்ரீலங்கா சுதந்திரக் கட்சிக்கு புதிய தலைவர் நியமனம் இலங்கையில் வாகன இறக்குமதிக்கு அனுமதி!