இலங்கை ஒருநாள் கிரிக்கெட் அணியில் இருந்து தசுன் நீக்கம்
ஆப்கானிஸ்தான் அணியுடனான ஒரு நாள் கிரிக்கெட் போட்டிக்கான பெயரிடப்பட்ட இலங்கை அணியில் இருந்து முன்னர் இலங்கை அணியின் ஒருநாள் தலைவராக கடமையாற்றிய தசுன் ஷனக நீக்கப்பட்டுள்ளார்.
அதற்கு பதிலாக சாமிக்க கருணாரத்ன அழைக்கப்பட்டுள்ளார். இலங்கை அணியில் 16 வீரர்கள் இடம்பெற்றுள்ளனர்.
குசல் மெண்டிஸ் தலைவராகவும், சரித் அசங்க துணை கேப்டனாகவும் நியமிக்கப்பட்டுள்ளனர்.
புதிய வீரர்களான ஷெவோன் டேனியல், சஹான் ஆராச்சிகே, டுனிட் வெல்லகே மற்றும் பிரமோத் மதுஷாந்த ஆகியோர் அணியில் சேர்க்கப்பட்டுள்ளனர்.
பதம் நிஸ்ஸங்க, அவிஷ்க பெர்னாண்டோ மற்றும் சதீர சமரவிக்ரம ஆகியோர் பேட்ஸ்மேன்களாக பணியாற்றி வருகின்றனர்.
ஜனித் லியனகே, வனிது ஹசரங்க ஆகியோர் சகலதுறை ஆட்டக்காரர்களாக அணியில் இணைந்துள்ளனர்.
மகிஷ் தீக்ஷன, அகில தனஞ்சய, துஷ்மந்த சமிர மற்றும் டில்ஷான் மதுஷங்க ஆகியோர் பந்து வீச்சாளர்களாக அணியில் இணைகின்றனர்.
இரு நாடுகள் பங்கேற்கும் ஒரு நாள் கிரிக்கெட் போட்டி பல்லேகெலாவில் நாளை தொடங்குகிறது.
(Visited 6 times, 1 visits today)
