இலங்கையில் வறுமையால் பாதிக்கப்பட்டுள்ளவர்களை அடையாளம் காணுமாறு பணிப்புரை!

வறுமையால் பாதிக்கப்பட்ட ஏனைய குடும்பங்களை அடையாளம் காண கணக்கெடுப்பை நடத்துமாறு பொருளாதார நெருக்கடியின் தாக்கத்தைக் குறைப்பதற்கான துறைசார் கண்காணிப்புக் குழு சமுர்த்தி அபிவிருத்தி திணைக்களத்திற்கு பணிப்புரை விடுத்துள்ளது.

பொருளாதார நெருக்கடியின் தாக்கத்தைக் குறைப்பதற்கான துறைசார் கண்காணிப்புக் குழு பாராளுமன்ற உறுப்பினர் காமினி வலேபொட தலைமையில் கூடிய போதே மேற்படி பணிப்புரை விடுக்கப்பட்டுள்ளது.

நிதி அமைச்சகம்,  நலன்புரிப் பலன்கள் வாரியம்,  மக்கள் தொகைக் கணக்கெடுப்பு மற்றும் புள்ளியியல் துறை ஆகியவை இணைந்து தேவையான நடவடிக்கைகளை எடுக்க ஒரு குழுவை நியமிக்க வேண்டும் என்றும் குறித்த  குழு அறிவுறுத்தியுள்ளது.