விமானத்தில் செல்லும் பயணிகளின் உடல் எடையை அளவிட தயாராகும் Korean Air!

அடுத்த சில வாரங்களுக்கு Korean Air விமானத்தில் செல்லும் சில பயணிகளின் உடல் எடை பார்க்கப்படலாம் என்று தெரிவிக்கப்பட்டுள்ளது.

பயணிகளின் எடை என்னவாக இருந்தாலும் பிரச்சினை இல்லை. எனினும் அவ்வப்போது விமான எடை குறித்த தகவல்களை வழங்கவேண்டிய விமான நிறுவனங்களில் Korean Air ஒன்றாகும்.
அதனால் பயணிகளின் எடை பார்க்கப்படும் என்றது CNN செய்தி நிறுவனம்.

ஒகஸ்ட் 28 முதல் செப்டம்பர் 3ஆம் திகதி வரை தென்கொரியாவின் கிம்போ அனைத்துலக விமான நிலையத்திலிருந்து புறப்படுவோர், செப்டம்பர் 8 ஆம் திகதி முதல் 19ஆம் திகதி வரை தென்கொரியாவின் இன்சியோன் அனைத்துலக விமான நிலையத்திலிருந்து புறப்படுவோர் ஆகியோர் பயணிகளின் எடையும் பெட்டிகளின் எடையும் பெயர் அடையாளமின்றி நிறுக்கப்படும்.

அந்தத் தகவல்கள் தென்கொரியாவின் நில, கட்டமைப்பு, போக்குவரத்து அமைச்சுடன் பகிரப்படும்.

திட்டத்தில் கலந்துகொள்ள விரும்பாத பயணிகள் Korean Air ஊழியரிடம் தெரிவிக்கலாம் என கூறப்படுகின்றது.

இந்த ஆண்டுத் தொடக்கத்தில் Air New Zealand விமான நிறுவனமும் அத்தகைய திட்டத்தைச் செயல்படுத்தியது.

விமானத்தின் எரிபொருள் தேவைகள், எடை விநியோகிக்கப்படும் முறை ஆகியவை குறித்து விமான நிறுவனங்கள் முடிவெடுக்க அந்தத் தகவல்கள் உதவும் என்று கூறப்பட்டது.

தொடர்புடைய செய்திகள்:

இந்தியாவில் 104 சீக்கிய யாத்ரீகர்களுக்கு விசா வழங்கிய பாகிஸ்தான் உயர் ஆணையம் சிங்கப்பூரில் வேகமாக அச்சுறுத்தும் கொரோனா தொற்று! ஜப்பானில் அவசரமாக தரையிறக்கப்பட்ட விமானம்! காசாவிற்கு தினமும் 1300 உணவு லாரிகள் தேவை – அறிக்கை தென் கொரிய யூடியூபர் நீதிமன்றத்தின் முன் கத்தியால் குத்தி கொலை தோஹாவில் துருக்கி உளவுத்துறை தலைவரை சந்தித்த ஹமாஸ் தலைவர்கள்