வரலாறு காணாத அளவில் பதிவான கடலின் வெப்பம் – ஒரே வாரத்தில் ஏற்பட்ட மாற்றம்

கடலின் மேற்பரப்பில் பதிவான வெப்பம் இதுவரை இல்லாத அளவில் 20.96 டிகிரி செல்சியஸை எட்டியுள்ளது.

கடந்த ஒரு வாரத்தில் வழக்கமாக இந்தக் காலக்கட்டத்தின் சராசரி அளவைவிட அது அதிகமாகியுள்ளது.

இதற்கு புதிய உச்சங்களைத் தொட்ட வெப்பத்திற்கு எல் நினோ (El Niño) வானிலை காரணம் என நிபுணர்கள் தெரிவித்துள்ளனர்.

அதே வானிலையால் அனைத்துலக வெப்பநிலையும் உயர்ந்திருக்கிறது. எல் நினோ வானிலை தண்ணீரின் வெப்பத்தைக் கூட்டுகிறது. அதனால் நீரில் கரையும் கரியமில வாயுவின் அளவு குறையும்.

சுற்றுச்சூழலிலேயே வாயு தங்கிவிடும். இதனால் பனியோடைகள் கரையும் வேகம் அதிகரிக்கலாம், கடல் மட்டமும் உயரலாம்.

சூடான கடலும் அனல்காற்றும் கடல்வாழ் உயிரினங்களைப் பெரிதும் பாதிக்கலாம். குளிர்ச்சியான தண்ணீரைத் தேடி உயிரினங்கள் சென்றால் உணவு விநியோகம் தடைபட்டுபோகலாம்.

சூடான கடல் நீரின் தாக்கம் அமெரிக்காவின் புளோரிடாவிலும் (Florida) தென்படுகிறது. அங்குள்ள பவளப்பாறைகள் வெளுத்துப்போகின்றன.

தொடர்புடைய செய்திகள்:

திருமணம் செய்து கொள் விசித்திரமான? சாட்டையால் அடிவாங்கும் ஆண்கள் மெக்ஸிகோ எல்லையில் திரண்ட பெருமளவான புலம்பெயர்ந்தோர்! இஸ்ரேலுக்கான புதிய ஆயுத ஏற்றுமதி அனுமதியை முடக்கிய கனடா புலம் பெயர்ந்த குழந்தைகளின் உரிமைகள் மீறப்படுகிறதா? : முக்கிய தொண்டு நிறுவனத்தில் சோதனை! தாய்லாந்தில் விமான விபத்து – 9 பேர் உயிரிழப்பு மாலியில் நடந்த ட்ரோன் தாக்குதல்களில் 21 பொதுமக்கள் மரணம்