உத்திரபிரதேசத்தில் ஆற்றின் நடுவே பயணிகளுடன் சிக்கி கொண்ட பேரூந்து (வீடியோ)

இந்திய மாநிலம் உத்தரபிரதேசத்தில் ஆற்றில் சிக்கிய பேருந்தின் வீடியோ சமூக வலைதளங்களில் வெளியாகி பெரும் பரபரப்பையும், அதிர்ச்சியையும் ஏற்படுத்தியுள்ளது.

இந்தியாவின் வடமாநிலங்களில் பருவமழை தீவிரமடைந்துள்ள நிலையில், பல பகுதிகளில் கனமழை பெய்து வருகிறது. உத்தரபிரதேசம் மற்றும் உத்தரகாண்ட் ஆகிய மாநிலங்களில் கனமழை காரணமாக வெள்ளப்பெருக்கு ஏற்பட்டுள்ளது.

உத்தரபிரதேசத்தில் உள்ள பிஜ்னோர் மாவட்டத்தில் பேருந்து ஒன்று ஆற்றில் சிக்கியது. மண்டவாலி மாவட்டத்தின் கீழ் வரும் பிஜ்னோரின் கோட்டா வாலி ஆற்றில் 36 பயணிகளுடன் சென்ற சாலைப் பேருந்து ஆற்றில் சிக்கிக் கொண்டது.

Bus with 25 passengers stuck in water flow in Mandawali region of UP's Bijnor due to sudden rise in water levels in Kotawali seasonal river on Hardiwar-Bijnor road. Efforts on to prevent overturning of the vehicle using a crane.pic.twitter.com/FVDZKf868B

— Waquar Hasan (@WaqarHasan1231) July 22, 2023

பேருந்தில் சிக்கிய பயணிகள் கிட்டத்தட்ட 3 மணி நேரம் கதறினர். சில பயணிகள் அழத் தொடங்கினர். இன்னும் சில பயணிகள் ஜன்னல் வழியே தப்பிக்க முயன்றனர்.தகவலறிந்து விரைந்து வந்த மீட்பு படையினர், பயணிகளை காப்பாற்றும் முயற்சிகளை மேற்கொண்டனர்.

ஆற்றின் பலத்த நீரோட்டத்தில் பேருந்து அடித்துச் செல்லாமல் இருக்கவும், பேருந்து கவிழாமல் இருக்கவும் ஜேசிபி மூலம் தடுக்க முயற்சி செய்யப்பட்டது.இந்த முயற்சிக்கு பிறகு, பேருந்து அப்படியே நின்றதால் பயணிகளை வெளியேற்றும் பணி துவங்கியது.

துரித நடவடிக்கைக்கு பின்னர் பயணிகள் அனைவரும் பாதுகாப்பாக வெளியேற்றப்பட்டதாக மாவட்ட நிர்வாகம் கூறியுள்ளது.