யாழ்ப்பாணத்தில் ஆறு பேர் வெட்டிப்படுகொலை – சந்தேகநபரின் விளக்கமறியல் நீடிப்பு

யாழ்ப்பாணம் – நெடுந்தீவில் இடம்பெற்ற 6 பேரின் கொலையுடன் தொடர்புடைய பிரதான சந்தேகநபரின் விளக்கமறியல் நீடிக்கப்பட்டுள்ளது.

அறுவரின் கொலை தொடர்பான வழக்கு ஊர்காவற்றுறை நீதவான் நீதிமன்றத்தில் இன்று (06) விசாரணைக்கு எடுத்துக் கொள்ளப்பட்டிருந்தது.

இதன்போது, மூவரிடம் சாட்சியங்கள் பதிவு செய்யப்பட்டன.

இந்த நிலையில், சந்தேகநபரை எதிர்வரும் 20 ஆம் திகதி வரை விளக்கமறியலில் வைக்குமாறு நீதவான் கஜநிதிபாலன் உத்தரவிட்டடார்.

அதுவரை வழக்கும் அன்றைய தினத்திற்கு ஒத்தி வைக்கப்பட்டுள்ளது.

கடந்த ஏப்ரல் 22 ஆம் திகதி அதிகாலை நெடுந்தீவில் 5 பேர் வெட்டி கொலை செய்யப்பட்டனர். சம்பவத்தில் காயமடைந்து வைத்தியசாலையில் சிகிச்சை பெற்று வந்த 101 வயது மூதாட்டியும் உயிரிழந்தார்.

உயிரிழந்தவர்களில் 4 பெண்களும் 2 ஆண்களும் அடங்குகின்றனர்.

தொடர்புடைய செய்திகள்:

ஹரீன் மற்றும் மனுஷாவை கட்சி உறுப்பினர் பதவியில் இருந்து நீக்கியது சட்டப்பூர்வமானது – சுமந்திரன் உச்ச நீதிமன்றில் வாதம் வீட்டில் தனியாக இருந்த பெண்ணுக்கு நடந்த கொடூரம் வாகன இறக்குமதிக்கு தொடர்பில் அரசாங்கம் எடுத்துள்ள நடவடிக்கை கொழும்பில் இணையத்தில் பாலியல் வீடியோக்களை வெளியிட்ட இளம் ஜோடிகள் கைது இலங்கையில் TIN இலக்கம் பெற்றவர்களின் எண்ணிக்கை வெளியானது 2024 ஜனாதிபதித் தேர்தல் – மொனராகலை தபால் வாக்கு முடிவுகள்