இஸ்ரேலிய விமான நிலையம் மீதான தாக்குதலுக்கு பொறுப்பேற்ற ஏமனின் ஹவுத்திகள்

செங்கடல் நகரமான ஈலாட் அருகே இஸ்ரேலின் ரமோன் விமான நிலையத்தின் மீது நடத்தப்பட்ட ட்ரோன் தாக்குதலுக்கு ஏமனின் ஹவுத்தி குழு பொறுப்பேற்றுள்ளது.

வருகை மண்டபத்தை குறிவைத்து ஞாயிற்றுக்கிழமை நடத்தப்பட்ட தாக்குதலில், விமான நிலையத்தின் செயல்பாடுகள் சுமார் இரண்டு மணி நேரம் நிறுத்தப்பட்டன.

“ரமோன் விமான நிலையத்தை குறிவைத்த ஒரு ட்ரோன், அல்லாஹ்வின் அருளால், விமான நிலையத்தை நேரடியாகத் தாக்கி விமான நிலையத்தை மூடி விமானப் போக்குவரத்தை நிறுத்தியது” என்று ஹவுத்தி இராணுவ செய்தித் தொடர்பாளர் யஹ்யா சாரி ஒரு அறிக்கையில் தெரிவித்தார்.

தெற்கு இஸ்ரேலில் உள்ள பிற தளங்களையும் குறிவைத்து நடத்தப்பட்ட பரந்த ட்ரோன் நடவடிக்கையின் ஒரு பகுதியாக இந்த தாக்குதல் நடந்ததாக அவர் மேலும் குறிப்பிட்டுள்ளார்.

மேலும், காசாவில் உள்ள பாலஸ்தீனியர்களுக்கு ஆதரவாக ஹவுத்திகள் இஸ்ரேலுக்கு எதிரான தாக்குதல்களை “விரிவாக்குவார்கள்” என்று சபதம் செய்துள்ளார்.