ஜப்பானில் அமெரிக்க இராணுவ தளத்தில் விபத்து – 04 ஜப்பானிய வீரர்கள் படுகாயம்!

ஜப்பானின் தெற்கு தீவான ஒகினாவாவில் உள்ள அமெரிக்க இராணுவ தளத்தில் வெடிபொருட்களை சேமித்து வைக்கும் இடத்தில் ஏற்பட்ட வெடிப்பில் நான்கு ஜப்பானிய வீரர்கள் காயமடைந்துள்ளனர்.

இருப்பினும் காயங்கள் உயிருக்கு ஆபத்தானவை அல்ல என்று அதிகாரிகள் திங்களன்று தெரிவித்தனர்.

ஒகினாவா மாகாணத்தைச் சேர்ந்த ஒரு நிலையத்தில் போர்க்காலத்தைச் சேர்ந்த வெடி பொருட்கள் சேமித்து வைக்கப்பட்டுள்ளன.

கடேனா விமானத் தளத்தின் வெடிமருந்து சேமிப்புப் பகுதியில் ஒகினாவா மாகாண அரசாங்கத்தால் நிர்வகிக்கப்படும் வசதிக்குள் வெடிப்பு ஏற்பட்டதாக அமெரிக்க விமானப்படை ஒரு அறிக்கையில் உறுதிப்படுத்தியுள்ளது.