அமெரிக்காவில் தேர்தல் பணியாளர்களை வெடிவைத்துத் தாக்கப்போவதாக மிரட்டல் விடுத்த நபர் கைது
அமெரிக்காவின் ஜார்ஜியா மாநிலத்தில் உள்ள தேர்தல் பணியாளர்களை வெடிவைத்துத் தாக்கப்போவதாக மிரட்டல் விடுத்த ஆடவர் நவம்பர் 4ஆம் திகதியன்று கைது செய்யப்பட்டதாக அமெரிக்கக் கூட்டரசு அரசாங்க வழக்கறிஞர்கள் தெரிவித்துள்ளனர்.
வாக்காளர் ஒருவரிடமிருந்து அந்த கடிதம் வந்தது போல அதை 25 வயது நிக்கல்ஸ் விம்பிஷ் எழுதியிருந்ததாகக் கூறப்படுகிறது.விம்பிஷ் தேர்தல் பணியாளர்களில் ஒருவர் என்பது குறிப்பிடத்தக்கது.
அக்டோபர் 16ஆம் திகதியன்று வாக்காளர் ஒருவருக்கும் விம்பிஷுக்கும் இடையே வாக்குவாதம் ஏற்பட்டதாகத் தெரிவிக்கப்பட்டது.
தம்முடன் வாக்குவாதத்தில் ஈடுபட்ட வாக்காளர் எழுதியது போல கடிதம் ஒன்றைப் புனைந்து ஜார்ஜியா மாநிலத் தேர்தல் கண்காணிப்பாளருக்கு விம்பிஷ் அதை அனுப்பி வைத்ததாக அரசாங்க வழக்கறிஞர்கள் கூறினர்.
அந்தக் கடிதத்தில் அவர் வெடிகுண்டு மிரட்டல் விடுத்ததாகக் கூறப்படுகிறது.இதையடுத்து, விம்பிஷ் மீது குற்றம் சுமத்தப்பட்டுள்ளது.
அமெரிக்க அதிபர் தேர்தலில் மிகக் கடுமையான போட்டி நிலவும் மாநிலங்களில் ஜார்ஜியாவும் ஒன்று என்பது குறிப்பிடத்தக்கது
(Visited 1 times, 1 visits today)
தொடர்புடைய செய்திகள்:
டெஸ்லா கார்களால் ஆபத்து? கடும் நெருக்கடியில் மஸ்க்
அமெரிக்க ஜனாதிபதி தேர்தலில் இருந்து நிக்கி ஹேலி விலகல்
அமெரிக்காவில் காரில் சென்ற தாயையும் மகளையும் சுட்டுக்கொலை செய்த மர்ம நபர்கள்!
உலகெங்கிலும் உள்ள முஸ்லிம் சமூகத்திற்கு வாழ்த்து தெரிவித்த ஜோ பைடன்
போர் அச்சம் – சரிந்தது அமெரிக்க பங்கு விலைகள்
அமெரிக்க உச்ச நீதிமன்றத்தில் வாதிடும் முதல் திருநங்கை வழக்கறிஞர்
