இலங்கை – அனுரவின் ஆட்சி 03 மாதமா அல்லது 03 வாரமா என்று தெரியவில்லை : ரணில்!

தன்னைப் போலவே தற்போதைய ஜனாதிபதி அனுரகுமார திஸாநாயக்கவும் பெரும்பான்மை இல்லாத ஜனாதிபதி என முன்னாள் ஜனாதிபதி ரணில் விக்கிரமசிங்க தெரிவித்துள்ளார்.

புதிய ஜனநாயக முன்னணியினால் இன்று (27.10) காலை நீர்கொழும்பில் இடம்பெற்ற மக்கள் சந்திப்பில் கலந்து கொண்டு கருத்து தெரிவிக்கும் போதே அவர் மேற்கண்டவாறு தெரிவித்தார்.

இதன்போது மேலும் கருத்து வெளியிட்டுள்ள அவர், கொடுக்கப்பட்டுள்ள பட்டியலைக் கேட்டால், அவரது ஆட்சி மூன்று மாதமா அல்லது மூன்று வாரமா என்று தெரியவில்லை. நாட்டுக்கு அனுபவம் வாய்ந்தவர்கள் தேவை. அனுபவமுள்ளவர்களை உள்ளே வைக்க வேண்டும். பெரும்பான்மையை வழங்க வேண்டும். அவருக்கு பெரும்பான்மை இருந்தால் மட்டுமே அவர் நாடாளுமன்றத்தையும், நாட்டையும் கைப்பற்ற முடியும்.

“தோற்றினால் வீட்டிலேயே இருக்கச் சொல்கிறார்கள்.அதாவது தோற்றேன், அதை ஏற்றுக்கொள்கிறேன்.ஜனாதிபதி தேர்தலுக்கு வந்து ஓட்டு கேட்டேன்.பெரும்பான்மை எனக்கு வாக்களிக்கவில்லை. அதனால் தோற்றேன்.ஆனால் பெரும்பான்மை கொடுக்கவில்லை. அவர் 51% பெறவில்லை” எனக் கூறியுள்ளார்.