இலங்கையில் வாகனம் கொள்வனவு செய்ய காத்திருப்பவர்களுக்கு வெளியான தகவல்

இலங்கையில் வாகன இறக்குமதி கட்டுப்பாடுகளை நீக்குவது மற்றும் அதனால் ஏற்படக்கூடிய பாதிப்புகள் குறித்து விரைவில் வாகன இறக்குமதியாளர்களால் விசேட அறிக்கையொன்று தன்னிடம் சமர்ப்பிக்கப்படவுள்ளதாக நிதி இராஜாங்க அமைச்சர் ரஞ்சித் சியம்பலாபிட்டிய தெரிவித்துள்ளார்.

வாகன இறக்குமதியாளர்கள் சங்கத்திற்கும் இராஜாங்க அமைச்சருக்கும் இடையிலான கலந்துரையாடல் இன்று நிதியமைச்சில் இடம்பெற்ற நிலையில் அவர் இதனை குறிப்பிட்டுள்ளார்.

இறக்குமதி துறை நிபுணர்களால் தயாரிக்கப்பட்ட இந்த அறிக்கை வாகன இறக்குமதியை மீண்டும் தொடங்குவதில் குறிப்பிடத்தக்க தாக்கத்தை ஏற்படுத்தும் என இராஜாங்க அமைச்சர் றிப்பிட்டுள்ளார்.

அனைத்து வாகனங்களின் இறக்குமதியையும் ஒரே தடவையில் ஆரம்பிக்காமல் பல பிரிவுகளின் கீழ் மேற்கொள்வது மிகவும் நடைமுறைக்குரியது என வாகன இறக்குமதியாளர்கள் சுட்டிக்காட்டியுள்ளனர்.