அமெரிக்காவில் நீதிமன்ற வாசலில் திடீரென பரபரப்பை ஏற்படுத்திய நபர்

அமெரிக்காவின் நியூயோர்க் நகரில் முன்னாள் ஜனாதிபதி டொனல்ட் டிரம்ப் வழக்கு நடைபெறும் நீதிமன்ற வாசலில் நபர் ஒருவர் தனக்கு தானே தீ வைத்துக் கொண்டுள்ளார்.

தொலைக்காட்சி கேமராக்களின் முன்னிலையில் அவர் சில நிமிடங்கள் தொடர்ந்து எரிந்து கொண்டிருந்ததாகச் சம்பவத்தில் நேரில் பார்த்தவர் செய்தியாளரிடம் தெரிவித்தார்.

தீக்குளித்த அந்த 40 வயது ஆடவர் உயிர்பிழைத்துவிட்டார். அவர் தற்போது மருத்துவமனையில் ஆபத்தான நிலையில் இருப்பதாக அதிகாரிகள் கூறினர்.

அவர் ஏன் தீக்குளித்தார் என்பது தெரியவில்லை. டிரம்ப்பைத் தாக்கும் நோக்கம் அவருக்கு இருந்ததாகத் தெரியவில்லை என்று அதிகாரிகள் கூறினர்.

அவர் தமது பையிலிருந்து துண்டுப் பிரசுரங்களை வீசிவிட்டுத் தீயிட்டுக் கொண்டார். அந்தப் பிரசுரங்களில் பில்லியன் கணக்காகப் பணம் வைத்திருப்பவர்கள் கொடியவர்கள் என்று எழுதப்பட்டிருந்ததாக செய்தி நிறுவனம் கூறியது.