மதத்தை அவமதித்த பாகிஸ்தான் மாணவருக்கு மரண தண்டனை

வாட்ஸ்அப் மூலம் அவதூறான செய்திகளை பரிமாறிய குற்றச்சாட்டில் பாகிஸ்தான் மாணவர் ஒருவருக்கு அந்நாட்டு நீதிமன்றம் மரண தண்டனை விதித்துள்ளதாக வெளிநாட்டு ஊடகங்கள் செய்தி வெளியிட்டுள்ளன.

பாகிஸ்தானின் ஃபெடரல் இன்வெஸ்டிகேஷன் ஏஜென்சி (எஃப்ஐஏ) இந்த 22 வயது மாணவருக்கு எதிராக 2022 ஆம் ஆண்டில் வழக்குப் பதிவு செய்துள்ளதாகவும், மேலும் 17 வயதுடைய மற்றொரு மாணவருக்கு இந்த வழக்கு தொடர்பாக ஆயுள் தண்டனை விதிக்கப்பட்டுள்ளதாகவும் அறிக்கை கூறுகிறது.

17 வயதுடைய மாணவன் மைனர் என்பதால் அவருக்கு மரண தண்டனைக்கு பதிலாக ஆயுள் தண்டனை விதித்து நீதிமன்றம் உத்தரவிட்டுள்ளதாக தெரிவிக்கப்படுகின்றது.

கடவுள் உள்ளிட்ட நாட்டின் மதத்தை அவமரியாதை செய்யும் வகையில் நடந்து கொண்டாலோ, அது குறித்து இழிவான கருத்துகளை வெளியிடுவதாலோ மரண தண்டனைக்குரிய குற்றமாகும்.

இந்த தீர்ப்புக்கு எதிராக உயர் நீதிமன்றத்தில் மேன்முறையீடு செய்யவுள்ளதாக அந்த மாணவர்களின் பெற்றோர் அறிவித்துள்ளதாக வெளிநாட்டு ஊடகங்கள் செய்தி வெளியிட்டுள்ளன.