மோசமான வானிலையால் 66,906 குடும்பங்கள் பாதிக்கப்பட்டுள்ளன

அனர்த்தத்தினால் 13 மாவட்டங்களில் 66,906 குடும்பங்களைச் சேர்ந்த 253,581 பேர் பாதிக்கப்பட்டுள்ளதாக அனர்த்த முகாமைத்துவ மத்திய நிலையம் தெரிவித்துள்ளது.

இதன் காரணமாக 21 பேர் உயிரிழந்துள்ளதாகவும், 13 பேர் காயமடைந்துள்ளதாகவும், இருவர் காணாமல் போயுள்ளதாகவும் அந்த நிலையம் குறிப்பிட்டுள்ளது.

மாத்தறை மாவட்டத்தில் 06 பேர், இரத்தினபுரி மாவட்டத்தில் 05 பேர், கொழும்பு மாவட்டத்தில் 03 பேர், களுத்துறை மாவட்டத்தில் 02 பேர், காலி மாவட்டத்தில் 03 பேர், கம்பஹா மாவட்டத்தில் 02 பேர் உயிரிழந்துள்ளனர்.

அனர்த்தம் காரணமாக 4303 வீடுகள் பகுதியளவில் சேதமடைந்துள்ளதாகவும் மேலும் 42 வீடுகள் முழுமையாக சேதமடைந்துள்ளதாக அனர்த்த முகாமைத்துவ மத்திய நிலையம் தெரிவித்துள்ளது.

2,565 குடும்பங்களைச் சேர்ந்த 10,737 பேர் 154 பாதுகாப்பான இடங்களில் தடுத்து வைக்கப்பட்டுள்ளதாகவும் அந்த மையம் தெரிவித்துள்ளது.