பிரான்ஸில் சமூகவலைத்தளங்களுக்கு அறிமுகமாகும் புதிய கட்டுப்பாடு!

பிரான்ஸில் சமூக வலைத்தளங்களில் சில கட்டுப்பாடுகள் கொண்டுவரப்படவுள்ளது.

இந்த கட்டுப்பாடுகளுக்கு ஆதரவாக வியாழக்கிழமை பாராளுமன்றத்தில் ‘ஆதரவு வாக்கு சேகரிக்கப்பட்டது.

டிக்-டொக் மற்றும் ஸ்னாப்சாட் போன்ற சமூக வலைத்தளங்களை பார்வையிடுவதற்கு 15 வயதுக்கு கீழுள்ள சிறுவர்களுக்கு அவர்களது பெற்றோர்களது சம்மதம் வேண்டும் எனும் கட்டுப்பாடு கொண்டுவரப்பட்டுள்ளது.

இதனை குறித்த சமூகவலைத்தள நிறுவனங்கள் எழுத்து மூலமாக தங்களது செயலியின் முகப்பு பக்கத்தில் காண்பிக்க வேண்டும் என இந்த புதிய கட்டுப்பாடு தெரிவிக்கிறது.

மேற்படி கட்டுப்பாடு தொடர்பாக நேற்றைய தினம் பாராளுமன்றத்தில் வாக்கெடுப்பு நடத்தப்பட்டபோது, 82 ஆதரவு வாக்குகளும் 2 எதிர்ப்பு வாக்குகளும் பதிவாகின.

இதனால் மேற்படி கட்டுப்பாடு ஏற்றுக்கொள்ளப்பட்டதுடன், இது தொடர்பான அறிக்கை செனட் மேற்சபையினரது பார்வைக்கு கொண்டுசெல்லப்படும் எனவும் அறிவிக்கப்பட்டுள்ளது.

அதேவேளை, பிரான்சில் டிக்-டொக் சமூகவலைத்தளத்தை நிரந்தரமாக தடை செய்வதற்குரிய விவாதங்களும் அரசால் மேற்கொள்ளப்பட்டு வருகிறது.