வைத்தியசாலையில் பிரசவித்த குழந்தைக்கு என்ன நடந்தது – பதறும் உறவினர்கள்

மாத்தறை மாவட்ட வைத்தியசாலையில் பிரசவத்தின் போது உயிரிழந்த சிசுவொன்றின் சடலத்தை தமக்கு காட்டுவதற்கு ஊழியர்கள் நடவடிக்கை எடுக்கவில்லை என குழந்தையின் உறவினர்கள் குற்றம் சுமத்தியுள்ளனர்.

சடலம் தொடர்பில் வைத்தியசாலை ஊழியர்கள் மூன்று தடவைகள் முன்னுக்கு பின் முரணான கருத்துக்களை வெளியிட்டமை தொடர்பில் பலத்த சந்தேகங்கள் நிலவுவதாக அவர்கள் தெரிவிக்கின்றனர்.

மாத்தறை வெலிகம பகுதியைச் சேர்ந்த 24 வயதான காவிந்த்யா மதுஷானி தனது முதல் குழந்தையைப் பெற்றெடுப்பதற்காக மாத்தறை புதிய மாவட்ட பொது வைத்தியசாலையில் கடந்த 22ஆம் திகதி அனுமதிக்கப்பட்டார்.

மருத்துவர்களின் ஆலோசனையின்படி, மருத்துவமனையில் அனுமதிக்கப்பட்ட அவர், வயிற்றில் இருந்த குழந்தை இறந்துவிட்டதாக மருத்துவமனை அதிகாரிகள் தெரிவித்தனர்.

அதன்படி கடந்த 24ஆம் திகதி இரவு குழந்தையை வெளியே எடுக்க வைத்தியர்கள் நடவடிக்கை எடுத்திருந்தனர்.

ஆனால், இறந்த குழந்தையின் உடலைத் தருமாறு கோரிக்கை விடுத்தும் மருத்துவமனை நிர்வாகம் முன்னுக்குப் பின் முரணாக பேசி வருவதாக உறவினர்கள் குற்றம் சாட்டுகின்றனர்.

மேலும் குழந்தையின் சடலத்தை தந்தையிடம் காட்டாமல் புதைத்தமை தொடர்பில் வைத்தியசாலை ஊழியர்களிடம் உறவினர்கள் கேள்வி எழுப்பியுள்ளதுடன் சடலம் கொழும்பு தேசிய வைத்தியசாலைக்கு எடுத்துச் செல்லப்பட்டுள்ளதாகவும் தெரிவித்தனர்.

எனினும் வைத்தியசாலையின் பிரேத அறையில் சடலத்தை அடக்கம் செய்வதற்கு 2500 ரூபாவை மாத்தறை மாநகர சபையில் செலுத்தி பற்றுச்சீட்டை கொண்டு வருமாறு வைத்தியசாலை ஊழியர்கள் உறவினர்களிடம் கூறியுள்ளனர்.

உயிரிழந்த சிசுவின் உறவினர்கள் சடலத்தை பெற்றுக் கொள்ளும் நோக்கில் நேற்று (25ம் திகதி) இரவு வரை வைத்தியசாலையில் தங்கியிருந்த போதிலும் வைத்தியசாலை ஊழியர்கள் எவராலும் சடலம் தொடர்பில் உறுதியான அறிக்கையை வெளியிட முடியவில்லை.

எவ்வாறாயினும், சிசு உயிரிழந்துள்ளதாக வைத்தியசாலை அதிகாரிகள் தெரிவித்த போதிலும், வைத்தியசாலை பதிவேடுகளில் அவ்வாறான மரணம் குறித்த பதிவு எதுவும் இல்லை என உறவினர்கள் தெரிவித்துள்ளனர்.

தொடர்புடைய செய்திகள்:

மாத்தளையில் லஞ்சம் கோரிய குற்றச்சாட்டில் 2 பொலிஸ் அதிகாரிகள் கைது இலங்கை கல்வி துறையில் AI தொழில்நுட்பம் – ஜனாதிபதி ரணில் பெற்ற பிள்ளைகளை கழுத்தறுத்து கொலை செய்த தந்தை!! அம்பாறையை உலுக்கிய சம்பவம் ரஷ்ய இராணுவத்தில் இலங்கை கூலிப்படையினர் – ரஷ்ய வெளியுறவு அமைச்சரின் வாக்குறுதி ஆறு வயது சிறுவன் மீது கொடூர தாக்குதல் – தாய் உள்ளிட்ட நால்வர் கைது