அமெரிக்காவில் துப்பாக்கிச் சூடு நடத்திய சந்தேக நபர் சடலமாக மீட்பு

அமெரிக்காவின் மைனே மாகாணத்தில் 18 பேரைக் கொன்ற பாரிய துப்பாக்கிச் சூட்டில் சந்தேக நபர் சடலமாக மீட்கப்பட்டுள்ளார்.

மைனேயின் லூயிஸ்டனில் இரண்டு துப்பாக்கிச் சூடுகளில் 18 பேர் கொல்லப்பட்டனர் மற்றும் 13 பேர் காயமடைந்தனர்.

மக்களே, ராபர்ட் கார்டு இனி யாருக்கும் அச்சுறுத்தலாக இல்லை என்பதை அறிந்து இன்று இரவு நான் நிம்மதிப் பெருமூச்சு விடுகிறேன்,” என்று மைனே கவர்னர் ஜேனட் மில்ஸ் செய்தியாளர் கூட்டத்தில் கூறினார்.

கார்டு தன்னைத்தானே சுட்டுக் கொண்ட காயத்தால் இறந்ததாக நம்பப்படுகிறது என சட்ட அமலாக்க அதிகாரிகளை மேற்கோள் காட்டி பல ஊடகங்கள் தெரிவித்தன.

அவரது உடல் லிஸ்பனுக்கு அருகிலுள்ள காடுகளில் கண்டெடுக்கப்பட்டது, அங்கு துப்பாக்கிச் சூடு நடந்த சிறிது நேரத்திலேயே அவரது கைவிடப்பட்ட வாகனத்தை போலீசார் கண்டுபிடித்தனர்.

கார்டின் மகனுக்கு எழுதப்பட்ட தற்கொலைக் குறிப்பைக் கண்டுபிடித்ததாக அதிகாரிகள் தெரிவித்தனர், இது துப்பாக்கிச் சூட்டுக்கான காரணத்தைக் குறிப்பிடவில்லை.