போதைப்பொருள் கடத்தல் தொடர்பாக இரு பொலிஸ் அதிகாரிகள் கைது

போதைப்பொருள் கடத்தல்காரர்களுடன் தொடர்பில் இருந்த உப பொலிஸ் பரிசோதகர் மற்றும் சார்ஜன்ட் ஒருவரையும் குற்றப் புலனாய்வு திணைக்கள அதிகாரிகள் குழு கைது செய்துள்ளது.

மாவத்தகம பொலிஸ் நிலையத்தினால் சந்தேகநபர் ஒருவரிடம் மேற்கொள்ளப்பட்ட விசாரணைகளின் போது இந்த அதிகாரிகள் தொடர்பான உண்மைகள் தெரியவந்ததையடுத்து பொலிஸ் மா அதிபரின் பணிப்புரைக்கமைய குற்றப் புலனாய்வு திணைக்கள அதிகாரிகள் குழுவினால் இவர்கள் கைது செய்யப்பட்டதாக பொலிஸ் வட்டாரங்கள் தெரிவிக்கின்றன.

சந்தேகநபர்கள் கைது செய்யப்பட்டு தடுத்து வைக்கப்பட்டார்.

கைது செய்யப்பட்ட உப பொலிஸ் பரிசோதகர், குருநாகல் சுற்றுவட்டாரப் பகுதிகளுக்கு போதைப்பொருள் விநியோகம் செய்வதாகக் கண்டறியப்பட்ட டுபாய் சம்பத் என்பவருடன் வாட்ஸ்அப் ஊடாக தொடர்பு கொண்டுள்ளமை தெரியவந்துள்ளது.

மேலும், பொலிஸ் சார்ஜன்ட் ஓமந்தயா பொலிஸ் நிலையத்தில் கடமையாற்றிய அதிகாரியாவார்.

இந்த சந்தேக நபர்கள் குற்றப் புலனாய்வு திணைக்களத்தில் வைத்து விசாரணைக்கு உட்படுத்தப்படவுள்ளதாக பொலிஸ் தலைமையகம் மேலும் தெரிவித்துள்ளது.