இலங்கையில் பல்கலைக்கழக விடுதியிலிருந்து தவறி விழுந்த மாணவன் உயிரிழப்பு

களனி பல்கலைக்கழகத்தில் கல்வி பயிலும் மாணவர் ஒருவர் உயிரிழந்துள்ளார்.

பல்கலைக்கழக விடுதியின் நான்காவது மாடியிலிருந்து தவறி விழுந்து அவர் உயிரிழந்தார்.

பல்கலைக்கழகத்தின் C.W.W.கன்னங்கர விடுதியிலிருந்தே அவர் கீழே விழுந்துள்ளதாகத் தெரிவிக்கப்பட்டுள்ளது.

சம்பவத்தில் 24 வயதுடைய மாணவர் ஒருவரே இவ்வாறு உயிரிழந்துள்ளார்.

மாணவன் கிரிபத்கொட வைத்தியசாலையில் அனுமதிக்கப்பட்ட போதிலும் சிகிச்சை பலனின்றி உயிரிழந்துள்ளதாக பொலிஸார் தெரிவித்தனர்.

சம்பவம் தொடர்பில் களனி பொலிஸார் மேலதிக விசாரணைகளை மேற்கொண்டு வருகின்றனர்.