இலங்கையில் வருடாந்த நிதி அறிக்கைகளை வெளியிடாத அரச நிறுவனங்கள்

இலங்கையில் உள்ள 52 பிரதான அரச நிறுவனங்களில் 41 நிறுவனங்கள் 2022 ஆம் ஆண்டு வரை வருடாந்த நிதி அறிக்கைகளை வெளியிடவில்லை என ஆய்வு நிறுவனம் ஒன்று தெரிவித்துள்ளது.

publicfinance.lk வெளியிட்ட சமீபத்திய கணக்கெடுப்பின்படி இந்த விடயம் தெரிவிக்கப்பட்டுள்ளது.

இதற்கிடையில், அந்த 52 நிறுவனங்களில் 30 நிறுவனங்கள் மட்டுமே 2021 க்குள் தங்கள் நிதி அறிக்கைகளை வெளியிட்டுள்ளன.

2017 ஆம் ஆண்டு நிலவரப்படி, 4 நிறுவனங்கள் மட்டுமே தொடர்புடைய நிதி அறிக்கைகளை வெளியிட்டன, இது எட்டு சதவீதமாகும்.

ஆனால் 2018 மற்றும் 2019 ஆம் ஆண்டுகளில், இரண்டு நிறுவனங்கள் மட்டுமே தொடர்புடைய நிதி அறிக்கைகளை வெளியிட்டிருந்தன என்பது இந்த ஆய்வின் மூலம் தெரியவந்துள்ளது.

இந்த கணக்கெடுப்பில், தொடர்புடைய நிறுவனங்களைத் தேர்ந்தெடுப்பதற்கான அடிப்படையாக, நிதி அமைச்சகத்தால் அடையாளம் காணப்பட்ட அரசாங்கத்திற்கு முழுமையாகவோ அல்லது பகுதியாகவோ சொந்தமான வணிக நடவடிக்கைகளில் ஈடுபட்டுள்ள 52 நிறுவனங்களைக் குறிப்பிடுகின்றனர்.