இலங்கை பொதுத் தேர்தல்: தபால் மூல வாக்களிப்புக்கான விண்ணப்பங்கள் தொடர்பில் வெளியான முக்கிய அறிவிப்பு

எதிர்வரும் பொதுத் தேர்தலுக்கான தபால் மூல வாக்களிப்பு விண்ணப்பங்களை சமர்ப்பிப்பதற்கான கால அவகாசம் நீடிக்கப்பட்டுள்ளதாக தேசிய தேர்தல்கள் ஆணைக்குழு அறிவித்துள்ளது.

அறிவிப்பை வெளியிட்ட தேர்தல் ஆணையம், தபால் மூல வாக்களிப்பு விண்ணப்பங்களை சமர்பிப்பதற்கான காலக்கெடு 10 அக்டோபர் 2024 வியாழக்கிழமை நள்ளிரவு வரை நீட்டிக்கப்பட்டுள்ளது.

இந்த காலக்கெடு இன்று (அக். 08) நள்ளிரவுடன் முடிவடையும் என முன்னர் திட்டமிடப்பட்டிருந்தது.

தபால் திணைக்களத்தினால் ஏற்பட்ட காலதாமதம் மற்றும் இது தொடர்பாக தேர்தல்கள் ஆணைக்குழுவிடம் பல்வேறு கோரிக்கைகள் விடுக்கப்பட்டமையினால் இந்த கால நீடிப்பு வழங்கப்பட்டுள்ளது.