இலங்கை: தடுப்பூசி செலுத்திய 5 மாணவிகள் வைத்தியசாலையில்!

களுத்துறை – அங்குருவத்தோட்ட பகுதியில் HPV தடுப்பூசி செலுத்திய 12 வயதுடைய பாடசாலை மாணவிகள் 5 பேர் வைத்தியசாலையில் அனுமதிக்கப்பட்டுள்ளனர்.

குறித்த பாடசாலையில் தரம் 7 இல் கல்வி பயிலும், 5 மாணவிகளே இவ்வாறு வைத்தியசாலையில் அனுமதிக்கப்பட்டுள்ளனர்.

அந்த பாடசாலையில் 26 மாணவிகளுக்கு HPV தடுப்பூசி செலுத்தப்பட்டதாகவும், அதில் 5 மாணவிகள் சுகவீனமடைந்துள்ளதாகவும் அங்குருவத்தோட்ட காவல்துறையினரின் ஆரம்பக்கட்ட விசாரணைகளில் தெரிவிக்கப்பட்டுள்ளது.

HPV தடுப்பூசி செலுத்திய பின்னர் 5 மாணவிகளுக்குத் தலைவலி, வயிற்று வலி மற்றும் தலைச்சுற்றல் போன்ற அறிகுறிகள் ஏற்பட்டுள்ளன.

இதனையடுத்து அவர்கள் ஹல்தொட்ட பிரதேச வைத்தியசாலையில் அனுமதிக்கப்பட்டு மேலதிக சிகிச்சைக்காக ஹொரண மாவட்ட வைத்தியசாலைக்கு மாற்றப்பட்டுள்ளனர்.

அங்குருவாதொட்ட பொலிஸார் மேலதிக விசாரணைகளை மேற்கொண்டு வருகின்றனர்.