அமெரிக்கா, இங்கிலாந்து, கனடாவில் இருந்து இலங்கைக்கு அனுப்பப்பட்ட பொதிகளால் அதிர்ச்சி

விமான தபால் மூலம் இலங்கைக்கு அனுப்பப்பட்ட சுமார் 850,000 ரூபா பெறுமதியான போதைப்பொருள் கையிருப்பு கண்டுபிடிக்கப்பட்டுள்ளது.

கட்டுநாயக்க விமான நிலைய விமான சரக்கு பிரிவில் போதைப்பொருள் ஒழிப்பு பிரிவின் அதிகாரிகள் பத்திரப்படுத்தப்பட்ட களஞ்சியசாலையிலுள்ள 07 விமான தபால் பொதிகளை பரிசோதித்த போது உரிமையாளர்கள் முன்வரவில்லை.

கைப்பற்றப்பட்ட போதைப் பொருட்களில் 07 கிலோ 21 கிராம் ஐஸ் போதைப்பொருள், 01 கிலோ 143 கிராம் குஷ் போதைப்பொருள் மற்றும் 01 கிலோ 338 கிராம் மண்டி என்ற இரசாயன போதைப்பொருள் ஆகியவை கைப்பற்றப்பட்டுள்ளன.

இந்த பார்சல்கள் அமெரிக்கா, இங்கிலாந்து மற்றும் கனடா ஆகிய நாடுகளில் இருந்து இலங்கையின் பல்வேறு பகுதிகளில் உள்ள போலி முகவரிகளுக்கு அனுப்பப்பட்டுள்ளன.

நீண்ட நாட்களாக இந்த பார்சல்களை பெற உரிமையாளர்கள் வராததால் அதில் குறிப்பிடப்பட்டுள்ள முகவரிகள் போலியானது என்பது உறுதி செய்யப்பட்டுள்ளது.

சம்பவம் தொடர்பான மேலதிக விசாரணைகளை கட்டுநாயக்க விமான நிலைய பொலிஸ் போதைப்பொருள் ஒழிப்பு பிரிவின் அதிகாரிகள் மேற்கொண்டு வருவதாக தெரிவிக்கப்படுகின்றது.