பிரித்தானியா நோக்கி செல்ல முயன்ற அகதிகள் – தடுக்க முயற்சித்த அதிகாரிகளுக்கு நேர்ந்த கதி

பிரான்ஸில் இருந்து பிரித்தானியா நோக்கி படகில் செல்ல முயன்ற அகதிகளை தடுக்க முற்பட்ட பொலிஸார் மீது தாக்குதல் நடத்தப்பட்டுள்ளது.

வெள்ளிக்கிழமை அதிகாலை இச்சம்பவம் பா-து-கலே ( Pas-de-Calais) கடற்பிராந்தியத்தில் இடம்பெற்றுள்ளது.

Sangatte கடற்பகுதியில் பொலிஸார் இருவர் கண்காணிப்பில் ஈடுபட்டிருந்தனர். அப்போது அகதிகள் பலர் படகு ஒன்றில் ஏறி பிரித்தானியா நோக்கி செல்ல முற்படுவதை பார்த்துள்ளனர்.

அவர்களை தடுத்து நிறுத்த பொலிஸார் முயற்சி செய்தனர்.

அதன்போது அகதிகள் இணைந்து பொலிஸார் மீது தாக்குதல் நடத்தினர். கற்களை வீசி அவர்களை தாக்கினர்.

முன்னதாகவே சக காவல்துறையினருக்கு தகவல் தெரிவித்திருததால், அங்கு மேலதிக பொலிஸார் வருகை தந்து இந்த தாக்குதலை தடுத்து நிறுத்தனர்.

மூன்று அகதிகள் கைதும் செய்யப்பட்டனர். மேற்படி தாக்குதலில் இரு பொலிஸார் காயமடைந்துள்ளனர். அவர்களுக்கு மருத்துவ விடுப்பு வழங்கப்பட்டுள்ளது.