மைத்திரியை விட ரணில் ஜனாதிபதி பதவிக்கு பொருத்தமானவர்!! சுரேன் ராகவன்
மைத்திரியை விட ஜனாதிபதி ரணில் பொருத்தமானவர் என இராஜாங்க அமைச்சர் ராகவன் கூறுகிறார்
அடுத்த ஜனாதிபதி பதவிக்கு முன்னாள் ஜனாதிபதி மைத்திரிபால சிறிசேன அல்ல தற்போதைய ஜனாதிபதி ரணில் விக்கிரமசிங்கவே பொருத்தமானவர் என இராஜாங்க அமைச்சர் சுரேன் ராகவன் தெரிவித்துள்ளார்.
ஸ்ரீலங்கா சுதந்திரக் கட்சியின் தேசியப் பட்டியல் நாடாளுமன்ற உறுப்பினராக நியமிக்கப்பட்டுள்ள இராஜாங்க அமைச்சர் சுரேன் ராகவன், கொழும்பு ஊடகம் ஒன்றிடம் உரையாற்றும் போதே மேற்கண்டவாறு தெரிவித்தார்.
அங்கு அடுத்த ஜனாதிபதி பதவிக்கு முன்னாள் ஜனாதிபதி மைத்திரிபால சிறிசேன மற்றும் தற்போதைய ஜனாதிபதி ரணில் விக்கிரமசிங்க ஆகியோரில் யார் பொருத்தமானவர்கள் என அவரிடம் கேள்வியொன்று முன்வைக்கப்பட்டது.
இதற்கு பதிலளித்த இராஜாங்க அமைச்சர், நாடு நெருக்கடியான நிலையில் ஜனாதிபதி ரணில் விக்கிரமசிங்க மாத்திரமே தலைமைப் பொறுப்பை ஏற்று செயற்பட்டமையினால் அவர் அடுத்த 5 வருடங்களுக்கு ஜனாதிபதி பதவிக்கு பொருத்தமானவர் எனத் தெரிவித்தார்.
(Visited 7 times, 1 visits today)
