இலங்கையில் தொழில் கிடைக்காதவர்களுக்கு புதிய தொழில் வாய்ப்புகள்: ஜனாதிபதி உறுதி

அரசாங்கத்தின் எதிர்வரும் பொருளாதார வேலைத்திட்டம் முன்னர் தொழில் கிடைக்காதவர்களுக்கு புதிய தொழில் வாய்ப்புகளை உருவாக்கும் என்று ஜனாதிபதி ரணில் விக்ரமசிங்க உறுதியளித்துள்ளார்.

மன்னாரில் நேற்று (16) இடம்பெற்ற இளைஞர் மாநாட்டில் கலந்துகொண்டு உரையாற்றும் போதே ஜனாதிபதி இதனைத் தெரிவித்தார்.

மேலும் கொவிட்-19 தொற்றுநோய் மற்றும் பொருளாதார நெருக்கடி காரணமாக கடந்த நான்கு வருட காலமாக தொழில் உருவாக்கம் தடைபட்டுள்ளதாக ஜனாதிபதி சுட்டிக்காட்டினார்.

எதிர்வரும் ஐந்து வருட காலப்பகுதியில் நடைமுறைப்படுத்தப்படும் பொருளாதார கொள்கைகளின் ஊடாக இலங்கையின் எதிர்காலம் தீர்மானிக்கப்படும் என ஜனாதிபதி ரணில் விக்ரமசிங்க தெரிவித்தார்.

இளைஞர்கள் தங்கள் எதிர்காலத்தை முன்னேற்றுவதற்கும் அரசாங்கத்தின் வேலைத்திட்டத்தின் மூலம் நாட்டிற்கு பங்களிப்பு செய்வதற்கும் விரும்புகிறார்களா என்பதை தீர்மானிக்க வேண்டும் என்று அவர் வெளிப்படுத்தினார்.

இதற்கு மேலதிகமாக, தற்போதைய அரசாங்கத்தின் பொருளாதார கொள்கைகளை தொடர்வது எதிர்காலத்தில் குறிப்பிடத்தக்க எண்ணிக்கையிலான முதலீட்டாளர்களை நாட்டிற்கு ஈர்க்கும் என்றும் ஜனாதிபதி ரணில் விக்ரமசிங்க வலியுறுத்தினார்.

காலப்போக்கில் நிலையான பொருளாதாரக் கொள்கைகளைப் பேணுவது நாட்டின் வெற்றிக்கு வழிவகுக்கும் என்றும் அவர் அடிக்கோடிட்டுக் காட்டினார்.

பொருளாதார மாற்றச் சட்டத்தின் ஊடாக அறிமுகப்படுத்தப்பட்டுள்ள புதிய பொருளாதாரக் கொள்கை நாட்டை முன்னோக்கி எடுத்து வைக்கும் ஒரு முக்கிய அடியை பிரதிநிதித்துவப்படுத்துகிறது என்பதை எடுத்துரைத்த அவர், இந்த கட்டமைப்பு எந்தவொரு அரசாங்கத்திற்கும் நாட்டை முன்னோக்கி கொண்டு செல்லும் திறனை சித்தப்படுத்துகிறது என்பதை அடிக்கோடிட்டுக் காட்டினார்.

அரசியல் தீர்வுகளைப் பெறுவதற்கு இலங்கை மக்கள் நீண்டகாலமாக முயற்சித்த போதிலும், பொருளாதார சவால்களுக்கு முகங்கொடுக்கும் நோக்கில் முன்னெடுப்புகள் இல்லாமை காணப்படுவதாகவும் ஜனாதிபதி குறிப்பிட்டார்.

பேண்தகு தேசிய அபிவிருத்தி என்பது பலமான பொருளாதாரக் கொள்கைகளை நடைமுறைப்படுத்துவதிலேயே தங்கியுள்ளது என்று ஜனாதிபதி ரணில் விக்ரமசிங்க வலியுறுத்தினார்.

இரண்டு வருட குறுகிய காலப்பகுதிக்குள் நாட்டின் பொருளாதாரத்தை புத்துயிர் பெறச் செய்த சாதனையை சுட்டிக்காட்டிய ஜனாதிபதி, பொருளாதாரம் தொடர்ந்தும் வலுவடைந்து வருவதால் அனைத்து துறைகளுக்கும் மேலதிக நிவாரண நடவடிக்கைகள் விரிவுபடுத்தப்படும் என்றும் உறுதியளித்தார்.

தொடர்புடைய செய்திகள்:

மீண்டும் மின் கட்டண திருத்தம் இலஞ்சம் பெற்ற இலங்கை போக்குவரத்து சபையின் பிராந்திய போக்குவரத்து முகாமையாளர் கைது தேசிய தலைவரை பல தடவை சந்திக்க முயன்ற மல்வத்து பீட மகாநாயக்க தேரர் – உலக தமிழர் பேரவையின் தலைவர் சுரேந்திரன் இலங்கைக்கு வருகை தந்த இந்தியாவின் நீர்மூழ்கி கப்பல்!